بعد تصريحات شقيقها.. كم يبلغ سن ياسمين عبد العزيز مقارنة بأحمد العوضي

ياسمين عبد العزيز أسم تصدر محركات البحث خلال الأيام الماضية، وذلك بعد الأزمة التي أثارها شقيقها الأكبر الفنان الشاب وائل عبد العزيز، والذي خرج في تصريح يهاجم فيه علاقتها العاطفية بالفنان أحمد العوضي كاشفًا بعض الأسرار حول العلاقة مؤكدًا ما تردد الآونة الأخيرة حول ارتباطها به فور طلاقها من رجل الأعمال محمد حلاوة.

وخلال تصريحات شقيق ياسمين ذكر أن العوضي يصغرها بعشر سنوات، حيث اتمت ياسمين عامها الـ40، حيث أنها من مواليد 16 يناير 1980، بينما يبلغ العوضي 32 عامًا، فهو من مواليد 12 ديسمبر 1987، حيث تكبره ياسمين بفارق 8 سنوات.

وقال وائل على حسابه الشخصي على “فيس بوك”: “بصي يا ياسمين يا عبد العزيز يا أختي.. أنا معاكي وفي ضهرك من وانتي صغيرة، شيلت مشاكل كتيًر بسببك من وانتي عيلة صغيرة بداية من مشاكلك مع الشاعر وبرادة، وانتي عارفة إن أنا اتأذيت فيها ازاي، وقضية الشغالات مؤخرا غير قضية الضرب اللي كانت بينك وبين بنت هشام سليم الممثلة اللي لبستيها التورتة في وشها، ووقفت جمبك بكل ما أملك من قوة أدافع عنك في كل موقف صعب مر عليكي ونسيت حياتي ونفسي عشانك، وبقي كل همي أنا “ووالدتك” إنك تكبري وتبقي نجمة في مجالك، سيبنالك اختياراتك كلها لنفسك ووفقنالك على معظم قراراتك، وكنت الوحيد اللي ساندك ووقف جنبك في طلاقك، لكن هنهرتل وتروحي تعرفي واحد أصغر منك بـ10 سنين، لا من سنك وتتصوري صور مالهاش اَي لازمة علي حساب سمعتك وسمعتنا لا ومحدش هيسمح، من إمتي واحنا بنعمل أعياد ميلاد وتنزل علي السوشيال ميديا، من إمتي الناس بتجيب في سيرتنا !؟ ونقعد نتعاكس على السوشيال ميديا”.

وأضاف شقيق ياسمين عبد العزيز: “ومع ذلك حياتك وانتي حرة فيها، أنا هتكلم على الشق اللي يخصني، انتي مقاطعة كل العيلة عشان تعملي اللي على مزاجك، احنا دلوقتي وعايزين نفهم العلاقة دي إيه ورايحة على فين”.

وتابع: “أما بالنسبة للأخ اللي ماشي وراكي في كل حتة وشايفك البيضة الدهب اللي هتفقسله كل يوم، أحب أقولك يا راجل لما تيجي تدخل بيت تدخله من بابه يا راجل !! وتقعد مع رجالة البيت !!.. دي الأصول وده الاحترام .. وطبعا لأنك عارف إنك مرفوض رافضا باتا فا عمرك ما هتعمل ده، ومعندكش غير طريق الشمال اللي أنت سالكه من سنين مع بنات الناس !!.. أنا من رأيي كفاية عليك البطولة اللي أخدتها والعربية المرسيدس الهدية.. وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمه جو الصور والمعاكسات ده، وأنا مبخفش من تهديد حد!!”.