أيمن بهجت قمر عن إيناس عز الدين: “لازم وقفه مع أي حد بيلعب بأعصابنا” (صورة)
شن الشاعر أيمن بهجت قمر، هجومًا على المطربة إيناس عز الدين، والتي أعلنت مؤخرًا إصابتها بفيروس كورونا المستجد، ودخلت مستشفى حميات إمبابة، إلا أن نتيجة تحليلها ظهرت صباح اليوم أثبتت سلبيتها، مما عرضها لانتقادات وهجوم من الجميع وتم وصفها بـ”مريضة شهرة”.
وكتب قمر تدوينة على حسابه الشخصي بـ”فيس بوك” وضح فيها استياءه من تصرفاتها، فقال: “أنا ماليش علاقة أن المطربة الجديدة إيناس صورت برص في المستشفى هي حره وده طبعا شئ محدش يقبله، أنا ماليش علاقة بارائها السياسية أو اللي بتكتبه على صفحتها”.
مدير مستشفى حميات إمبابة لـ”القاهرة 24″: إيناس عز الدين استغلت كورونا لنشر فيديوهات معادية ضد القيادة السياسية
وتابع: “لكن أنا اللي أذاني نفسيا أنها عيشتني في خوف على أسرتي حالة رعب لأنها عندي على الصفحة هنا، وكم البوستات والفيديوهات الكتير اللي أقرت فيهم بإصابتها بالمرض وكم الدعاء ليها من الناس الطيبين، وكلمات المواساة، وهي ما أنكرتش ده وما قالتش أنه إشتباه ولما المواقع كتبت أول فنانه تصاب بالكورونا مانفتش وأنا عيشت بجد ليله صعبة لاني حسيت أن المرض ابتدى يدخل دايرة المحيطين بيا”.
وأضاف: “تاني يوم الصبح ابتدى صحابها يكتبوا إن التحاليل أثبتت أنها مريضه بالكورونا، وشفتوا إزاي ظلمتوها وهي برضه ما انكرتش وقتها أن التحاليل لسه ما طلعتش.. لازم وقفه مع أي حد بيلعب بأعصابنا والله أعلم هي عملت كده ليه لو هتقوللي عندها أعراض أنا خدت نظرة سريعة على بعض فيديوهاتها ولقيتها ممكن تكون مزكمة عندها كحة، لكن كم الفيديوهات اللي عملتها والبوستات الطويلة مش بتاعة حد عنده ضيق تنفس وصداع حاد لدرجة شكوكه ف الكورونا”.
مدير مستشفي حميات إمبابة لـ”القاهرة 24″: نتيجة تحليل إيناس عز الدين سلبية من الإصابة بكورونا
واستكمل: “كان ممكن تطلع تقول أنا شاكه أبعتولي حد.. ننتقد إن الرقم مثلا ما بيردش.. أما عن تسييس الامر فبجملت! إيناس انا بحملك كل الأذى النفسي اللي سببتيهولنا والتوتر اللي عيشتينا فيه ولازم وقفه مع أي حد يطلع يستغل الظروف والتعب النفسي اللي احنا فيه ده.. وبأمانه اللي انتي عملتيه لا بينجح ولا بيشهر.. دي تصرفات بتاخد وقتها وبتتنسي كان أبرك تعمليها أغنية انا عندي كورونا بدل ما تطلعي ديك أبونا .. كانت هتبقى أشرف وهتفيدك أكتر .. إخس بجد”.
وفي وقت سابق، كشف الدكتور محمود خليل، مدير مستشفى حميات إمبابة، لـ”القاهرة 24″، نتيجة تحليل المطربة إيناس عز الدين، والتى جاءت سلبية من الإصابة بفيروس كورونا المستجد، وذلك بعد الضجة التى أحدتها المطربة الشابة.
فيما قال صديق مقرب من المطربة: ”تحليل كورونا بتاع المطربة ايناس عز الدين طلع سلبي الحمد لله ألف سلامة عليكي يا ايناس، وترجعي بيتك بالسلامة”، وذلك بعدما نشر على صفحتها على الفيس بوك.
كيف رد الجمهور على إيناس عز الدين بعد نفى “الصحة” إصابتها بكورونا؟ (صور)
