بإيدينا نحجمها.. نائب مدير النجيلة يعرض عددًا من النصائح لمنع تزايد أعداد الإصابة بكورونا

وجه الدكتور محمد علام، نائب مدير مستشفى النجيلة المخصصة لعزل الحالات المصابة بفيروس كورونا المستجد، عددا من النصائح التي يجب اتباعها في الفترة المقبلة، لعدم زيادة أرقام الإصابة، وجاءت كالتالي:

1- .متخرجش من بيتك إلا للضرورة القصوى شغل أو تعبان وأنت خارج وأنت داخل التزم بتعلميات الوزارة”.

2-“لبسك لما تدخل بيه تغيره وتحطه فى الغسالة متسلمش على حد إلا لما تاخد دوش وتغير لبسك كده أنت زى الفل”.

3-“حاول تساعد غيرك أهم من مساعدتك لنفسك يعنى لو عندك برد البس كمامة رايح تكشف البس كمامة”.

4-“ساعد الناس اللى شغاله بدراعها اللى أكلها وشربها بتعب يومه لأن ده واجبك مش صدقه أو إحسان وأعمله بنية أن ربنا يحميك أنت وأهلك لو كل شارع أو عماره جمعوا مبلغ هيساعدوا الناس وأعملها خالصة لوجه الله بدون من ولا اذي لو ساعدتهم ومخرجوش هيقل الانتشار”.

5-“صاحب محل أو سوبر ماركت بلاش زياده أسعار مش هقولك خصومات بييع بما يرضي الله”.

وفاة مصابة بفيروس كورونا داخل مستشفى النجيلة إثر أزمة قلبية.. وأسرتها ترفض استلام الجثمان

6- “التعامل بالفلوس يكون بحظر ولو أمكن الفيزا كويس مامكنش الفلوس تغسل أيدك بعد متمسكها او جيل كحول ومتحطش ايدك على وشك”.

7-“بلاش تشترى ماسكات وتخزنها عمال على بطال هتقلل المتاح لينا مش أنتوا بتقولوا إحنا الجيش الأبيض كتر خيركم وسلاحنا واقياتنا الشخصيه لو سمحت تستعملها لما تكون محتاجها”.

8- “اتبرع للمستشفيات القريبة منك بعلبه ماسكات أو جوانتيات لو تقدر متخيل لو ألف واحد عمل كده الوضع هيبقى أزاى طيب أضرب ده فى أضعاف هتعدى”

9-“صاحب شركة بتصنع هدوم اتواصل مع الوزاره وقولهم ادونى مواصفات الجاونات والبدلة الواقية وحاول تعملها سهلة بس لازم نوع قماش معين وبمواصفات معينة لما ننتجه هنا هيوفرلنا كتيير وهيساعد لو الوضع خرج عن السيطره أو زاد وخلصنا مواردنا”.

10-“صاحب شركه بلاستيك أو مصنع بلاستيك تواصل مع الوزارة و’طلب منهم مواصفات الابرون والبدل الواقيه البلاستيكية والفيس شيلد واصنعه”.

12-“وعى الناس اللى حواليك واقعد فى بيتك هتعدى سواء بموت أعداد قليلة أو لا قدر الله بكارثه بايدينا إحنا بس نحجمها لو فى شخص واحد مهمل الوضع ممكن يخرج عن السيطرة”.

رفض أبنائها استلامها.. “الصحة”: احتساب متوفية النجيلة ضمن وفيات كورونا