ابنة أسامة أنور عكاشة تتوعد صناع الجزء الثالث لمسلسل الشهد والدموع: “مش هنسكت”
أعلنت الإعلامية نسرين أنور عكاشة، استيائها من تصريح الفنانة عفاف شعيب، الذي قالت فيه إنها تحضر للجزء الثالث من مسلسل “الشهد والدموع”، والذي كتبه والدها الكاتب الراحل أسامة أنور عكاشة، قبل 35 عامًا من الآن.
وكتبت ابنة الكاتب، على حسابها الشخصي بموقع “فيس بوك”، قائلة: “يافتاح ياعليم.. صحيت من النوم على خبر غريب جدا، عن تصريح الفنانة عفاف شعيب في أحد البرامج عن التجهيز للجزء الثالث للشهد والدموع اللي هيعجب الجمهور أوي، والحقيقة كتر ألف خيرهم ذاكرين في متن الخبر إن الشهد والدموع كتبها أسامة أنور عكاشة، بالنسبة لولاده اللي لسه عايشين وكلمتهم الفنانة عفاف شعيب عشان تستأذن في عمل جزء تالت وهم رفضوا “.
وتابعت: “مدام عفاف كلمتنا.. وأنا وأسرتي رغم عدم رغبتنا في إكمال العمل ده تحديدا. وتكرار مأساة الحلمية، قلنا لها خلاص نقرا حلقات وبناءًـ عليه نرد (وده عشان مانزعلش حد من المحترمين اللي حابين يعملوا جزء ثالث وأهم كلهم برضه حبايب أبويا وعشرة وكده) وبالفعل قرينا والمستوى مكانش كما المأمول وردينا وقلنا لا بلاش وانتهى.. إيه بقا؟”.
عفاف شعيب لـ”القاهرة 24″: “إحنا في محنة وعاوزين نراجع حساباتنا” (فيديو)
وأضافت: “عندي فضول استكشف أسباب الجرأة العجيبة في النزول بخبر زي ده!! ومع احترامي الشديد للجريدة اللي حاطه المانشت العظيم ده مش كان مفروض برضه يسألونا الأول قبل ماينزل الخبر؟، عموما أنا وأسرتي بنقولها صريحة أهو… لا في اتفاق على شهد ودموع جزء ثالت ولا هنسكت لو ده حصل بدون الرجوع لينا.. أنا بقالي فترة مش مرتاحة لحاجات كتير وساكتة.. بس في حاجات مايتسكتش عليها، أسامة أنور عكاشة مماتش على فكرة”.
