ليه عزيز ساعد صباح؟!.. مؤلف مسلسل النهاية يجيب على استفسارات الجمهور (صورة)
حرص السيناريست عمرو سمير عاطف، الرد على جميع تساؤلات الجمهور حول أحداث مسلسل النهاية الذي أثار جدل كبير عبر مواقع التواصل الإجتماعي المختلفة مع بداية عرض الحلقة الأولى، وأصبح مسلسل النهاية حديث الجمهور في مصر والوطن العربي.
ونشر السيناريست صورة للفنان يوسف الشريف عبر حسابه الرسمي بموقع التواصل الاجتماعى “فيس بوك”، وعلق على الصور وكتب كل ما رصده من أسئلة الجمهور في شكل نقط حول أحداث مسلسل النهاية، وقرر أن يوجه لهم رسالة قائلاً :” الإجابات The Answers، استفسارات متكررة وإجاباتها التي قد لا تكون نموذجية”.
مسلسل النهاية حلقة 14.. انكشف أمر “الروبوت” والسبب محمود الليثي
وأضاف السيناريست :”أزاي زين الروبوت بيشحن؟، جاء في الحلقة التالته من المسلسل أن المواتير المستخدمة في صناعة وتكوين الروبوت مواتير تنتمي إلي تكنولوجيا قديمة بالنسبة لهم في المستقبل يتم شحنها بالحركة والتنفس وكلما تحرك الروبوت كلما كان الشحن اكثر، ثاني سؤال طب ليه بقي فيه أزمة طاقة؟، اتقال في الحلقة الأولي من المسلسل بكل وضوح أن أزمة الطاقة أزمة مفتعلة وأن فيه حلول كتير ليها لكن الشركات المسيطرة علي العالم ليها مصلحة في استمرار الأزمة بالإضافة أن المواتير المستخدمة في تصنيع الروبوت مواتير توقف صنعها وبتعتمد على تكنولوجيا انقرضت”.
وتابع المؤلف:”ثالث سؤال إزاي الروبوت بيكسر عربية مصفحة بالبساطة دي؟ جاء في الحلقة التالتة أن الروبوت مصنوع من معدن الأي سيهات وهو معدن قوي جداً لدرجة أنه ممكن يستحمل انفجار نووي،”ودا مش بعيد على المستقبل القريب.. عمل سبايك و خلطات بنسب معينة.. تكون فيها الصلابة دي.. عجب الذنب.. عظمة في آخر العمود الفقري لا تتآكل أبدا.. فبالك بمعادن”، رابعًا ازاي قدر يتحرك ويبقي عنده مهارات قتالية كده؟، جاء في الحلقة التالته أن كل العقول الاصطناعية متوصلة ببعض وأي معلومة فيه عقل منهم بيعرفها الكل بيعرفوها ومنها المهارات القتالية اللي لو اتحملت علي عقل فكل المتصلين بيه ها يبقي عندهم نفس المهارات وعزيز قال في نفس الحلقة أنه عمل بلوك لعقل زين الروبوت عشان ما يفتكرش ذكريات زين الحقيقية ولا المعلومات اللي كل الروبتس عارفينها لكن لما حاولوا يحملوا الوعي بتاعه شالوا البلوك فعرف وفهم وافتكر”.
وأوضح المؤلف:”خامسًا ليه عزيز ساعد صباح؟، فيه سبب المفروض انه ها يبان بكل وضوح في حلقة قريبة جدا، سادسًا ليه فيه معدات وادوات قديمة زي الرزة والقفل اللي بيقفلوا بيهم الأبواب؟، ده مقصود لأن التقدم مش معناه نهاية كل القديم بالضرورة وأعمال الخيال العلمي الحديثة توقف مبدعوها عن تصور أن كل حاجه ها تتغير وبقت الشخصيات تلاقيها لابسه لبس شبه لبسنا العادي مثلا وفيه أشياء قديمة مازالت بتستخدم وأهم حد عمل ده كان ستيفن سبيلبرغ في أفلام مينورتي ريبورت وارتيفشيال انتيلجنس وريدي بلاير وأن ها تلاقي فيه، مزج بيزيد بين القديم والجديد مع كل فيلم من الأفلام الجميلة والمهمة جدًا، دي وأحنا حاولنا نعكس نفس التصور ده بس يمكن ما وفقناش أو وفقنا ده متروك للمتابع، “الخيل.. الناس بتركبه من آلاف السنين.. موجود دلوقتي.. 2020.. مع السيارات والطائرات والصواريخ”.
مسلسل النهاية حلقة 15.. انتصار سهر الصايغ على ناهد السباعي وعودة الكيلاني للقدس
وأشار في حديثه قائلا:”وأخيرا: ليه الشخصيات بتتكلم مصري وفين مصر؟، اللهجة المصرية هي لهجة المتلقي المشاهد المستهدف من العمل عايزينه يفهم كفاية شوية الحاجات اللي فوق ها نزودها بلهجات شامي ولغات أجنبية كمان، ومصر موجودة وما حصلهاش حاجه الحمد لله وده برضه ها يبان وها يتم ذكره بكل وضوح في حلقة قريبة، واتقال في أول الحلقات.. إنه من العريش، و ليه بنتقبل لغة المستقبل إنجليزي و بلهجة أمريكاني.. في أي بلد”.
واختتم عمرو سمير عاطف حديثه قائلا :”طيب لو بعد كل ده اتفرجت علي الحلقات وما لاقيتش إجابات علي اسئلتك أو ما اقتنعتش بالاجابات والتفسير المطروح يبقي العيب فين؟، في المسلسل طبعا ومن حقك أنك تنتقده لأن أنا بتعلم من انتقادك، ولو أنا مش ها أكتب خيال علمي أو حتي مش ها أكتب تاني خالص فغيري ها يبقوا واخدين بالهم من أنك كمشاهد ما بترضاش باي حاجه وما بتعديش أي حاجه فنعمل حسابك أكتر ونحاول أننا نتقن العمل أكتر”.
مسلسل النهاية، عمل درامي ينتمي لنوعية مسلسلات الخيال العلمي في المستقبل، ويقوم ببطولته النجم يوسف الشريف وأحمد وفيق وناهد السباعي وعمرو عبدالجليل وسهر الصايغ و محمود الليثي و ياسمين علي، ومن تأليف عمرو سمير عاطف، وتحت قيادة المخرج ياسر سامي.
مسلسل النهاية حلقة 16.. “روبوت” يوسف الشريف يقرر صناعة جيش من نوعه للاستيلاء على العالم
