عمر كمال: “جوهرة خفيفة ومدرستي في الغنا شبه مدين وعزيز الشافعي”
وصف مطرب المهرجانات عمر كمال علاقته بالراقصة جوهرة، قائلا: “علاقتي مع جوهرة شغل وبس، وهي خفيفة، وكلنا مايلين ليها شوية، ومفيش حاجة بيني وبينها غير الشغل”.
وذكر “كمال” أحد العلاقات التي مر بها خلال حياته أثناء استضافته ببرنامج شيخ الحارة والجريئة مع إيناس الدغيدي على قناة القاهرة والناس وقال: “كنت بحب واحدة جدا وأخدتها وروحت اتقدمت ليها، وروحنا عند جواهرجي وهي طلبت كام حاجة ولكن تمنها مكانش معايا”.
وأضاف: “ووالدتها قالتلي خدها عند الجواهرجي وهاتلها أي حاجة علشان تخطبها، ولكن لما أحرجتني عند الجواهرجي ورفضت تقف معايا، ساعتها قولت دي مش هتنفع تعيش معايا”.
كما تحدث عن إحدى الفتيات التي تعرف عليها في الإمارات، وترددت بعض الأقاويل حول إعطائها بعض الأموال له، فنفى ذلك قائلا: “في إنسانة كانت في حياتي وعمري ما اديتني قرش أو خدت مني قرش، ولسة على علاقة بيها وبحترمها”.
وحكى بداية تعرفه عليها وسرد مضيفًا: “أنا اتعرفت عليها بعد ما اشتغلت بالإمارات وأخذت الإقامة، والكلام ده كان قبل أغنية بنت الجيران”.
وتحدث عن حبه للفنان محمد فؤاد ونفى ما يتردد حول تقليده لفؤاد، أما عن عزيز الشافعي ومدين قال: “مدرستي في الغنا شبه مدين وعزيز الشافعي”.
وعبر كمال عن حبه لوالدته واختارها بفقرة “تنقذ مين”، قائلًا: “هنقذ أمي علشان مش عايش معاها ومعشتش معاها كتير، لإني دايما كنت شغال في الشارع”.
عمر كمال: “احنا ملتزمناش مع هاني شاكر.. وقرار النقابة مظبوط بعد اللي عملناه”
عمر كمال: “حياتي نظيفة ومحافظ على فرض الله حتى لو دخلت كباريه أو كازينو “
