إنجي علاء تهنئ عادل إمام بعيد ميلاده الـ80 بموقف جمعهما (تدوينة)

حرصت المؤلفة ومصممة الأزياء إنجي علاء، على تهنئة الزعيم عادل إمام بعيد ميلاده الـ80، وقررت أن تفعل هذا من خلال استدعاء ذكرى جمعت بينهما.

ونشرت إنجي عبر حسابها الرسمي بـ”فيس بوك”، منشور لتهنئ فيه عادل إمام بهذه المناسبة، فكتبت: “مرة منتجة أديتني ميعاد في استديو تصوير.. المهم وصلت ودخلت استناها في غرفة استراحة واتأخرت عليا شوية وببص لقيت الزعيم عادل إمام داخل الأوضة ومعاه مساعد إخراج بيراجع معاه مشهد”.

وتابعت: “أنا طبعًا ماصدقتش نفسي لما شفته.. في الحقيقة له هيبة فظيعة.. المهم لما خلص بصلي قالي “أنتي مين”، قلتله أنا مؤلفة وعندي ميعاد هنا بخصوص مسلسل هكتبه.. قلت مثلًا هيقولي بالتوفيق ويمشي.. وهبقى أكيد فرحانة أوي وكفاية إني قابلته”.

وأضافت: “إنما لقيته أهتم جدًا وبدأ يكلمني عن فن كتابة السيناريو بتفاصيله ورشحلي كتاب أقراه وقالي إنه هيفرق معايا وحكالي قصته مع الكتاب ده وفضل يكلمني في أمور فنية كتيرة وأنا لسة مش مصدقة نفسي .. أنا خرجت مبسوطة أوي يومها بالرغم من إن المسلسل اللي رحت عشان أتفق عليه ماتعملش وقتها.. بس الحوار الفني الدرامي اللي دار فضل معلق معايا”.

واختتمت: “مجرد أن نجم كبير بالتاريخ الفني العظيم ده يديني نصائح في شغلي هي حاجة كبيرة أوي بالنسبالي، وهفضل فاكرة كلمة من الحوار ده طول عمري.. حقيقي رب صدفة خير من ألف ميعاد، (2017 – استديو النحاس)، كل سنة وانت طيب يا زعيم ويارب دايما ناجح وفي أحسن صحة وحال”.

إنجي علاء: راعيت أزمة الطاقة في تصميم أزياء شخصيات مسلسل النهاية.. وأداء الممثلين أبهرني (حوار)

مسلسل النهاية حلقة 22.. محمود عبد المغني صحفي يكشف سر مذهب ديني أساس الواحة (صور)