بسبب كورونا.. أحمد المالكي يعتذر لأقاربه لعدم حضورهم حفل زفافه
احتفل الشاعر الغنائي أحمد المالكي، أمس بزفافه على ماهيتاب سامي شقيقة المخرج ياسر سامي، بحضور عدد صغير جداً بسبب الظروف الحالية التي تمر بها البلاد.
ووجهه الشاعر أحمد المالكي، كلمات شكر لكل من حرص على مباركته، كما أعتذر لأصدقائه وأقاربه على عدم دعوتهم لحضور الزفاف، وكتب المالكي على حسابه الخاص بموقع التواصل الاجتماعي “فيس بوك”،
قائلاً:”عايز أقول شكراً لاي حد باركلي بأي وسيلة وبجد شفت الفرحة في عيون كل الناس، وأسف طبعا أني معزمتش ناس كتير قوي يعز عليا ماتبقاش معايا وجنبي فيوم زي ده ومنهم ناس من أهلي من الدرجة اأاولي وده طبعا عشان الظروف اللي احنا فيها والموضوع كان محدود قوي لسلامة الناس”.
الشاعر أحمد المالكي يعلن زواجه من المذيعة ماهي سامي (صورة)
وأضاف: “وعايز أقول شكراً من قلبي لعيلتي الجديدة اللي اديتني أحلي هدية في حياتي، والهدية دي ماهي اللي دخلت حياتي اللي كانت بايظة وكلها طرق مسدوده واختيارات فاشلة وعشان ربنا بيحبني خلاها تيجي في طريقي ومن اليوم ده كل حاجه اتغيرت ونظرتي للدنيا بقت كلها حب وتفاؤل ووشها كان حلو عليا ونجحت اكتر بكتير وانجزت حاجات كتير ف حياتي عمري ماكنت بعملها لوحدي”.
وأختتم حديثه قائلاً: “انسانة زي القمر وجدعة ومن بيت اصول وتربية رجالة بجد عشان كده عارفة يعني ايه رجل ومسئولة وكل الناس اللي فحياتي بلا استثناء بيحبوها وعليها شياكة خطفتني.. ومشية عارضة ازياء بموت فيكي ياست البنات وشكراً مره تاني للكل وعقبال عندكم جميعاً”.
