حسام داغر يسرد حلم حزين بوالدته ويعبر عن اشتياقه لها: “صحيت لقيت الدموع في وشي” (صورة)
عبر الفنان حسام داغر عن حزنه الشديد واشتياقه لوالدته، والتي رحلت عن عالمنا منذ فترة، فسرد تفاصيل أحد الأحلام التي رآها به، عبر حسابه الشخصي بموقع الصور “انستجرام”.
ونشر آخر صورة جمعته بها، وقال: “حلمت بماما … كنت بصور في فيلم ولوكيشن كله بحر وميناء وهي معايا واخواتي، وبعدين جيه زي نور من السما كده”.
وأضاف: “ونزل طلع زي طيارة عجيبة ركنت جمب اللوكيشن، وطلع ده جزء من تصوير، وأنا مكنتش أعرف كنت خايف وخفت عليها، طلعت أجري خدتها من أيدها وبقيت بمد وأقولها لازم تستخبي هنا”.
واستكمل حديثه ذاكرا باقي تفاصيل الحلم: “ومكنتش لاقي أخواتي المهم دخلتها زي أوضة كده قدام الباب، ورجعت أبص على لوكيشن لقيته، حاجه كأنه فيلم عالمي حاجات مهوله قلت لازم أصور، قعدت أدور علي موبيلي طلعته”.
انهيار حسام داغر أثناء تلقيه عزاء والدته بمسجد الشرطة في الشيخ زايد (فيديو)
وأردف معبرا عن حزنه: “وأنا بصور اللوكيشن افتكرت ماما، قلت أروح أتصور معاها، رحت ملقتهاش قعدت أسأل الناس محدش رد، فجأة خدت بالي أنها ماتت أصلا ولقيت نفسي بعيط في الحلم دموع سخنة”.
واختتم حديثه: “صحيت لقيت الدموع في وشي ودلوقتي عيطت تاني أهو، الفراق مر ومهما حاولت أشغل نفسي طول الوقت، مش قادر، صحيت أدور على آخر صورة اتصورناها سوا، اه لو كنت أعرف أنها آخر صورة”.
View this post on Instagram
وشارك داغر في الموسم الرمضاني الماضي بمسلسل “النهاية” للنجم يوسف الشريف، وعدد آخر من النجوم مثل عمرو عبد الجليل، أحمد وفيق، سهر الصايغ، ناهد السباعي، محمود الليثي، سارة عادل، سوسن بدر، وزكي فطين عبد الوهاب، ومحمد جمعة، تأليف عمرو سمير عاطف، وإخراج ياسر سامي.
