محمد صلاح العزب يدعم يوسف الشريف بعد تصريحات تلامس النساء (صورة)

دعم المؤلف محمد صلاح العزب، الفنان يوسف الشريف، والذي تعرض لهجوم كبير، على مواقع التواصل الاجتماعي، في الفترة الماضية، بعدما صرح بأنه يضع بنودًا أثناء تعاقده على أعماله الفنية، والتي تنص على منع ملامسة النساء وتقديم مشاهد ساخنة.

وكتب العزب على حسابه الشخصي بـ”فيس بوك”، بمناسبة موضوع يوسف الشريف والتلامس، في حاجة جميلة جدا وصحية وأمورة ولطيفة اسمها التنوع، طبيعي جدا يبقى في ممثل مبيحبش التلامس.. وجنبه ممثل بيحب التلامس.. وجنبهم واحد شايف إن الحياة فيها علاقات جنسية وضروري نقدمها بشكلها الطبيعي في الفن.. وجنبهم واحد بيحب يعمل أفلام من غير هدوم عشان دي حاجة تجارية وبتجيب فلوس.. وجنبهم واحد بيحب يعمل أفلام مثليين.. وجنبهم وزارة الأوقاف ممكن تعمل أفلام إسلامية شبه رؤيتها للدين.. وكنيسة بتقدم أفلام مسيحية وعظية.. وهكذا.. ده كله تنوع.. وطبيعي.. ومطلوب”.

وتابع: “التنوع ده ثراء، ومهم، وكل واحد وليه جمهوره، ومتلقيه، ومينفعش حد يجبر الجمهور إنه يبقى شريحة واحدة بدماغ واحدة.. ولا الصناع إنهم يبقوا نوع واحد بدماغ منسوخة من بعض، اعتبرها مكتبة فيها كتب دينية معتدلة، وجنبها كتب متشددة، محطوطين جنب روايات نجيب محفوظ، جنب روايات ألبرتو مورافيا جنب روايات علاء الأسواني جنب روايات نبيل فاروق جنب كتب مصطفى محمود، جنب كتب إبراهيم الفقي.. وكل واحد ليه زبونه وكلهم جنب بعض”.

مجدي أحمد علي ينتقد تصريحات يوسف الشريف بشأن ملامسة النساء: “ما هذا الهراء؟” (صورة)

واستكمل: “يا أخي ده الجمهور نفسه اللي انت طول الوقت بتقول عليه حمار، مستوعب التنوع ده، ولما بتقدم له حاجة جديدة، هو نفسه بيتفاعل وبيتنوع معاها، اللي بيقبل، واللي بيرفض، واللي بيهاجم، واللي بيدافع، والحياة بتمشي وبتستمر.

وأضاف: “المشكلة مش في ممثل مش عاوز يتلامس.. أو ممثل عاوز يتلامس.. المشكلة إن كل قطيع رافض وجود حد جنبه، أو مختلف عنه، أو عن تصوره المحدود للأشياء وللحياة، التنوع هو اللي بيضمن وجودك واستمرارك.. وهو اللي بيضمن لك إن محدش يمنعك ولا يرهبك لا فكريا ولا ماديا لما تقول رأيك اللي هو في الغالب مش على هوى الجماهير الغفيرة”.

العزب يدعم يوسف الشريف 

 واختتم حديثه قائلًا: “فمتبقاش ضيق وأي واحد مش شبهك تقوله عليه جاهل ومتخلف وحمار وضد الفن،وانت اسم الله على مقامك مين؟؟ ترانتينو؟؟!”.

وشارك يوسف الشريف، في السباق الرمضاني الماضي، بمسلسل “النهاية”، الذي كان من تأليف السيناريست عمرو سمير عاطف، وإخراج ياسر سامي، وإنتاج شركة سينرجي لمالكها تامر مرسي.

والمسلسل شارك في بطولته كل من النجمة سهر الصايغ، والفنانة ناهد السباعي، وعمرو عبد الجليل، ومحمود الليثي، وأحمد وفيق، ومحمد لطفي، وسوسن بدر، وإياد نصار، وباسل الزارو، وسارة عادل.

رامي رضوان يستنكر الهجوم على يوسف الشريف لإعلانه رفض المشاهد الساخنة (تدوينة)