“مش هنيجي على آخر الزمن نمسك في بعض”.. أورتيجا يُعلن انفصاله عن أوكا بعد 10 سنوات شراكة
أعلن أورتيجا مطرب المهرجانات الشعبية، انفصاله عن صديقه وشريك نجاحه أوكا، بعد 10 سنوات من التعاون مع بعضهما والنجاح سويًا، وذلك بعدما نالتهما الكثير من الشائعات الخاصة بحدوث مشكلات بينهما.
وظهر أورتيجا في فيديو على حسابه الشخصي بموقع “انستجرام”، وأوضح فيه ذلك الأمر، حيث قال: “بخصوص “أوكا وأورتيجا” علشان كل الناس اللي بتقعد تبعت أنتوا ليه مبقتوش مع بعض أنتوا متخانقين، طبعا مفيش أي حاجة من الكلام ده مش عارف أرد أقولكم إيه كل واحد بيسمع حاجة من برا بيجي يقولها، أنا هوضحلكم الصورة لجمهور أوكا وأورتيجا”.
واستكمل أورتيجا حديثه قائلًا: “أوكا أخويا وعشرة حياتي وصديق كفاح وشفنا كل حاجة حلوة ووحشة مع بعض فمش هنيجي على آخر الزمن بعد ما نكبر، ونتخانق ونمسك في بعض زي ما الناس بتقول، خالص يا جماعة إحنا كل القصة أن أوكا بقى لوحدة وأورتيجا بقى لوحده وأنا بتمناله كل التوفيق في حياته وفي شغله ويبقى أحسن حد في الدنيا وبتمنى لنفسي أنا كمان ربنا يرزقنا إحنا الاتنين ويوفقنا”.
وتابع: “ودايما أوكا وأورتيجا اسمهم مرتبط ببعض مش علشان شغل علشان إحنا من قبل الشغل في حاجات كتير أوي مع بعض، بتمناله وبتمنالي التوفيق ورنا يرزقنا إحنا الاتنين، وياريت يكون الخبر ميزعلش حد، هو الموضوع باين بس أنتوا بتقولوا كلام غلط”.
View this post on Instagram
بسبب فيروس كورونا.. أوكا وأورتيجا يطرحان “سنة 2020” (فيديو)
