“أظهرت الصورة جزء من جسمي”.. أميرة فتحي تروي معانتها مع التحرش (صورة)
تعرضت الفنانة الشابة أميرة فتحي إلى التحرش اللفظي بشكل يومي من قبل أحد متابعيها من النساء، وخاصةً عندما نشرت صورتها الأخيرة مع صديق لها و تلاقت العديد من الألفاظ الخادشة للحياء عبر حساباتها الشخصية على مواقع التواصل الإجتماعي المختلفة.
و أفصحت أميرة عن الواقعة لكل الفتيات، عبر حسابها الشخصي على موقع التواصل الاجتماعي”فيس بوك”، قائلة: “مكنتش عايزة أتكلم في موضوع التحرش بس اللي عايزة أقوله إن التحرش بالألفاظ ميقلش عن التحرش الجسدي أنا من أيام تقريبًا اتصورت مع صديقي وفي نفس الوقت هو الـ trainer اللي معايا في الجيم وكانت صورة عادية جدًا وكان في جزء من جسمي بان من الـ”t –shirt” غصب عني حاجة مقصدهاش”.
وتابعت أميرة “اللي عايزة أقوله إني اكتشفت إن اللي اتحرشوا بيا لفظيًا هما البنات والستات للأسف وده شفته على جروب خاص بالستات وأنا في الجروب ده لكن عمري ما تفاعلت معه وأحد أصدقائي هو اللي قالي لأنه بيشتغل في مباحث الإنترنت.
وأردفت “سألني لو عايزة أقدم بلاغ في الجروب قلتله لأ واكتفيت إنه مسح الصورة وللأسف إن admin الجروب من el friends اللي عندي هنا يعني زي ما في رجالة متحرشين في ستات متحرشين وأنا شايفة إن دول أصعب.. ودي وجهة نظرى.
وفي نهاية حديثها، طالبت أميرة بضرورة المعاقبة المتحرشين أيا كانوا، و وجهت نصيحة لكل الفتيات بما يجب أن يفعلوه كي يتجنب هؤلاء المتحرشين.
يذكر أن أميرة فتحي، مسلسل “السرايا” كان آخر أعمال الذي شاركت فيها ، و تدور أحداثه في إطار اجتماعي، و حقق نجاحًا واسعًا من قِبل الجمهور، وشارك في العمل كل من سوسن بدر ، مجدي كامل، دنيا عبد العزيز، رانيا الملاح، وآخرون.
