أحمد فلوكس بعد هجومه على نقيب “الموسيقيين”: “أنت أدرى بنفسك” (صورة)
أثار الفنان أحمد فلوكس، جدلًا واسعًا أمس الاثنين، بعدما هاجم الفنان هاني شاكر نقيب المهن الموسيقية، واتهامه بعدم مساعدة “اليوتيوبر” مصطفى حفناوي الذي توفي متأثرًا بإصابته بجلطة في المخ.
وعاد فلوكس ورد عل الهجوم بطريقة غير مباشرة، حيث كتب على حسابه الشخصي عبر “انستجرام”: “قد يراك البعض تقيًا، وقد يراك الأخرون عصيًا، وقد يراك الأخرون فاسقًا، ولكن أنت أدرى بنفسك، أما بعد السر الوحيد الذي لا يعلمه أحد غيرك، هو سر علاقتك بربك، فلا يغرك المادحون، ولا يضرك القادحون”.
أحمد فلوكس على انستجراموفي وقت سابق، شارك فلوكس متابعيه بفيديو على حسابه الشخصي بـ”فيس بوك”، هاجم من خلاله الفنان هاني شاكر، قائلًا: “أبويا علمني مغلطش في حد كبير، وأنا معرفش مصطفى حفناوي، ولكن متابع حالته من عدة أيام، محدش زاره غير تامر حسني لأن تامر راجل، بقاله 7 أيام بيناشد عايز يتعالج، مسمعناش عن اللي كتبوا عنه في طبق اليوم، دلوقتي كله الله يرحمه، كله بما فيهم الأستاذ الفاضل الكبير هاني شاكر، اللي قال أنا معرفوش بس قلبي وجعني، طب قلبك موجعكش وهو مش لاقي مستشفى تستقبله وهو عنده جلطة في مخه؟؟”.
وتابع: “اتقوا الله كفاية متاجرة بالبني آدمين، كفاية، إيه دا إيه دا، ما كان بقاله 6 أيام مش لاقي حد يعالجه أو يساعده، اللي عرف الناس القصة لما تامر حسني راح زاره، دلوقتي بقى كله فاكره، أستاذ هاني شاكر هو تامر حسني النقيب ولا أنت، اتقوا الله، انتو بتاجروا بموت بني آدم، دا شاب وصغير، الناس اللي كاتبين الله يرحمه الفنانين والفنانات والمنتجين كنتوا فين وهو يوتيوبر وكان عايز يمثل، وهو بيروح من الكرفان دا للكرفان دا وعايز يمثل، مخلتهوش يمثل ولا يبقى فنان ليه”.
وأضاف: “ولا لما مات افتكرتوه، إيه دا، طيب مش انتو زعلانين عليه، أنا بطالب كل اللي كتب الله يرحمه إنه يروح يبني جامع باسمه مدام انتو رجالة أوي كدا، احنا في زمن غريب، آل الفنان هاني شاكر بينعي كنت فين وهو مش لاقي مستشفى، وقبليه ملحن ولا موزع مات عشان مرمي في مستشفى مش عارف يتعالج، انتو إيه نوعيتكو إيه انتو، بنتاجر بموت الناس، وإيه كل الأسامي وكل النجوم وكل الزفت، مهو مات، بتاخدوا لقطة على واحد ميت، نحن في زمن، يا ريت الكورونا كانت علمتكو حاجة، طلعتوا منها جعانين أكتر”.
أحمد فلوكس يبعث رسالة شديدة اللهجة للمترحمين على اليوتيوبر مصطفى حفناوي (فيديو)
