بدل التنمر ياريت نجبر خاطر بعض.. عمرو محمود ياسين يُعلق على موقف أحمد عز تجاه مؤمن زكريا
علق السيناريست عمرو محمود ياسين، على تقديم فريق عمل مسرحية “كاريو شو”، لافتة إنسانية طيبة تجاه اللاعب مؤمن زكريا، بعد انتهاء العرض الخاص بالمسرحية، وقام الفنان أحمد عز بتوجيه التحية له ، ومدحه لتواجده بالمسرح وهو يبكي على المسرح متأثرًا بهتاف الجمهور له.
كتب عمرو عبر حسابه الشخصي بموقع التواصل الاجتماعي “فيس بوك”، قائلًا : “في جمهور كتير النهاردة بعد صورة مؤمن زكريا مع أحمد عز بيدعيله ومتعاطف معاه ألاوية وزمالكوية، من الجمهور ده هتلاقي من وسطهم أعداد كبيرة جدا قبل كده استحلت سب مؤمن واستحلت التنمر عليه هو وغيره من الشخصيات العامة”.
وأضاف: “بيصل السب إلى مرحلة توجيه الإهانات بالأب والأم، وأحيانا الخوض في العرض، طيب امتى نعرف إن الحياة مش مستاهله وإن محدش يستحق إننا نهينه ونجرحه قوي كده لمجرد إنه معروف أو عمله بيعرض ع الناس”.
وتابع: “امتى نفرق بين النقد والإهانة، الإنسان مخلوق ضعيف جدا والله مهما بلغت قوته وشهرته، (أكيد في ناس جلدها تخين) وأكيد في ناس مجرمة، بس مش دول طبعا اللي بتكلم عنهم.. أنا بلفت نظر نفسي ونظركم إن من الضرورة دايما نحاول إننا نستبدل بداخلنا طاقة الكراهية بطاقة الحب، وإننا نغلب إحساس الرضا على إحساس الحقد والحسد”.
مجدي الهواري: “تكريم مؤمن زكريا على مسرح كايرو شو أقل حاجة نقدره بيها.. وقلوبنا كانت بتتقطع” (فيديو)
واختتم عمرو حديثه: “كلنا غلابة والله.. وبجد الدنيا مش مستاهله، نجبر بخاطر بعض أحسن والله .. وشكرا أحمد عز ومجدي الهواري على اللفته الإنسانية الطيبة”.
شوبير يوجه رسالة لمجلس الأهلي بخصوص مؤمن زكريا
