نص التحقيقات في قضية فتاة التيك توك.. منة عبد العزيز: كنت ببات في محل.. وطالب أفقدني عذريتي قبل مازن (مستندات)

باشرت النيابة العامة تحقيقاتها في قضية الاعتداء الجنسي على المجني عليها منة عبد العزيز فتاة التيك توك، يوم 22 مايو الماضي، ونشر فيديو الواقعة، وأمر النائب العام، الشهر الماضي، بإحالة المتهمين للمحاكمة الجنائية، وعددهم 6 متهمين.

ينفرد” القاهرة 24″  بنشر نص تحقيقات، قضية الاعتداء الجنسي على المجني عليها آية إبراهيم خميس على حسين، المعروفة إعلاميا بـ “منة عبد العزيز فتاة التيك توك” في القضية رقم 3328 لسنة 2020 إداري قسم الطالبية.

ضرب مش اغتصاب.. محامي المتهم باغتصاب منة عبد العزيز يكشف تفاصيل جديدة في قضية فتاة “تيك توك”

وتابع المحقق: ما اسمك كاملا؟، فأجابت: اسمي آية إبراهيم على حسين مواليد 16/11/2002، بدون عمل ومقيمة مساكن عثمان ابني بيتك مدينة العاشر من رمضان محافظة الشرقية.

وسألها: ما ظروف نشأتك الاجتماعية؟، فأجابت: “أنا عندي 17 سنة اتولدت في مدينة العاشر من رمضان بمحافظة الشرقية، ونشأت في أسرة على أد حالها أبويا كان مهندس معماري وتوفي وهو عنده 52 سنة قبل ما اتولد بشهر، وأمي اسمها هدى إبراهيم كانت بتشتغل شيف في مصنع بالعاشر من رمضان وماتت وهي عندها 52 سنة في 2016، كان عندي وقتها 15 سنة، ولديها ثلاثة أولاد وبنتان أنا الثالثة واخويا الكبير اسمه خميس عنده 40 سنة، ومعرفش هو بيشتغل إيه ومشفتهوش من يوم أمي ما ماتت من 2016، وساكن في منيا القمح الشرقية، وأخويا التاني حمادة عنده 39 سنة، ومعرفش بيشتغل إيه وأوقات بروحله العاشر أشوفه وأقعد معاه كل فترة، وأخويا الثالث اسمه وليد وعنده 38 سنة، موظف في شركة معرفش اسمها إيه ومقيم في العاشر من رمضان وأوقات بروحله أشوفه، وأختي رشا هي الكبيرة بس معرفش عندها كام سنة متجوزة ومخلفة مشفتهاش من أول ما أمي ماتت، والأخيرة أختي جهاد ومعرفش عندها كام سنة متجوزة ومخلفة ومشفتهاش من أول ما أمي ماتت”.

مضيفة: “دخلت مدرسة أحمد عرابي الابتدائية في العاشر من رمضان لحد ما وصلت تالتة إعدادي وفي السنة دي كانت أمي ماتت، سبت المدرسة ومكملتش تعليمي وفي 2016 بعد أمي ما ماتت معرفتش أقعد مع أخواتي بسبب مراتتهم، سبت البيت ومشيت من 2016 قعدت مع واحدة ست فى المجاورة الأولى بالعاشر، وعرفتها علشان كنت بروح عند خالتي فى الأولى بس مقدرتش أقعد مع خالتي علشان جوزها مش بيحبني”.

واستكملت: “قعدت عند أم إيهاب سنة في البيت وكنت بخرج واروح النادي وأقابل صحابي في العاشر وأرجع أبات عند أم إيهاب، وبعد فترة قعدت عند واحد اسمه عمي عبد الله هو راجل كبير عنده محل سوبر ماركت عرفته لأني كنت بروح عنده المحل وقعدت فترة أبات عنده في المحل ولما كان يمشي بيقفل عليا المحل وأنا نايمة جوه، قعدت عنده سنة أو أكتر  واخواتي كانو بيجوني علشان أروح معاهم لكن انا كنت برفض لأنهم كانوا بيضايقوني”.

النائب العام يستبدل حبس منة عبد العزيز بإيداعها مركز تأهيل متخصص

وأردفت: “وفي الفترة اللي كنت قاعدة فيها عند عمو عبد الله وأم إيهاب كنت بسافر القاهرة أقابل أصحابي وأبات باليومين، وفي أول سنة 2020 قعدت في القاهرة عند صحبتي دنيا كانت ساكنة في عين شمس بقعد عندها باليومين، واتعرفت على واحدة صاحبتي تاني اسمها نوتيلا واسمها الحقيقي هدير ساكنة هي كمان في عين شمس، وكنت بروح عند واحدة تانية اسمها فرح في حدائق المعادي، كنا بنخرج نتفسح وبنقعد على كافيه وسط البلد اسمه خرابة، وفي الفترة الأخيرة كنت بروح عند واحدة صاحبتي اسمها شيماء، وفي الشتاء كان ليا واحد صاحبي اسمه أحمد من عندنا في العاشر من رمضان يدرس في ثانية جامعة مودرن أكاديمي اللي في المقطم، كنت قابلته في بيت ابن عمه وده أول مرة واحد ينام معايا، ويخليني مش بنت وبعد كدا فضلت زي ما انا لحد ما اتعرفت على واحد اسمه مازن وارتبطنا ببعض، ونام معايا مرتين”.