كريم الحسيني يدعم جمال يوسف: “محتاجين من كل المنتجين يقفوا جنبه ماديًا ومعنويًا”

طالب الفنان كريم الحسيني بتوجيه الدعم النفسي والمادي للفنان جمال يوسف، بعد إصابته بسرطان البلعوم، وتدهور حالته الصحية في الفترة الأخيرة.

وكتب كريم الحسيني على صفحته بموقع التواصل الاجتماعي “فيس بوك”، وقال: “طيب أي بني آدم في الدنيا مكان جمال، أكيد ها يبقى محتاج دعم نفسي أولا ومادى طبعا.. الدعم النفسي لو الراجل ده له موقف حلو معاك اذكره وإحنا ها نحاول نوصله حب الناس كلها والدعم المادي”.

وتابع: “جمال ممثل ونقابي.. محتاجين وعد من كل المنتجين إنهم يقفوا جنب الراجل ده بعزه نفس وكرامة، ولما يقوم من تعبه بإذن الله ياخد مكانه الصح ويعمل أدوار تليق به وبتاريخه المشرف وسنه وإمكانياته، الدعم النفسي لوحده مش كفاية ولا الدعم المادي لوحده كفاية”.

جمال يوسف: “لساني ورقبتي اتحرقوا من الإشعاع.. وبقاوم المرض علشان أعيش مع ولادي”

وأردف: “عايزين شوية طبطبه ل جمال .. وده فضلا وليس أمرا .. لو حابب .. وأرجوكم خلوا الكومنتات كلها ل جمال مش ليا، لأن كلنا بنفكر في الراجل الطيب ده.. ولو حابين نعمل جروب ل جمال يوسف يلا بينا جدا.. الراجل ده تاريخه مشرف.. ادخلوا على صفحته لو حابين وشوفوا هو اشتغل مع مين”.

وكان كشف جمال يوسف في تصريح خاص لـ”القاهرة 24″، الأعمال التي اعتذر عنها بسبب المرض، وقال: “كان ليا مسلسل في رمضان مع حسن الرداد وهو “شاهد عيان” بس انا تعبت وانا شغال في المسلسل ومقدرتش أكمل، والمخرج محمد حماقي جميل والمخرج المنفذ علاء حمدي، لما عرفوا عن مرضي كانوا متعاونين”.

وتابع: “كان عندي الشهر اللي فات مسلسل “أسود فاتح” في لبنان، ولكن مقدرتش أصور بسبب المرض، واعتذرت عنه”.

جمال يوسف بعد إصابته بسرطان البلعوم: “محمد صبحي عرض علاجي بالخارج وأترك الأمر لله”