التحليل النفسى لـ”محمد صلاح” عقب أزمة الـ”تيشيرت”: “بقى خواجة”
قال الدكتور جمال فرويز، استشاري الطب النفسي، إن اللاعب محمد صلاح، نجم نادي ليفربول الإنجليزي، يعيش الاحتراف ويطبقه كما هو، متابعًا: “محمد صلاح بيستفيد من كل خصلة شعر في جسمه في الإعلانات، سواء تي شيرت أو جزمة أو ساعات، ولما يحلق ويظهر عضلات بطنه، بيعمل دعايا للإعلانات”.
وأضاف “فرويز” في تصريحات خاصة لـ”القاهرة 24″، أن الشعب لديه رفاهة الاختيار، ويحدد ما إذا كان سيرتدي تي شيرت معين أم لا لأهوائنا الشخصية، أما بالنسبة لـ”صلاح” فالحديث يختلف تمامًا، وفكره الاحترافي يحتم عليه عكس ذلك تمامًا، قائلًا: “يعني بالحاجة اللي هياخد عليها فلوس”.
وأوضح استشاري الطب النفسي، أن محمد صلاح لاستغل وصله لقائمة أفضل 3 حول العالم كما يجب أن يكون، ولو أضاعها “صلاح” ما حصل عليها ثانية، متابعًا: “إحنا معندناش الفكر ده للآسف، إحنا عندنا اللعيب يحترف ويلعب في الدورة الرمضانية، ويروح ينتحر، برة مفيش الكلام ده، وصلاح بقى من برة بقى خواجة”.
وتابع، أن اللاعب المصري الدولي لا يولي أي اهتمام للمصريين، فقط هو يسعى على “أكل العيش”، مضيفًا: “التي شيرت الإباحي واخد عليه فلوس، والكسكتا واخد عليها فلوس، هو ماله ومال الشعب، ده راجل بياكل عيش”.
وعن ظهور محمد صلاح في بداية عهده بالمصحف والشخصية التي ظهر بها، قال: “أيام المصحف والالتزام كان واحد بيرضي ربنا عشان يكرمه، ودلوقتي خلاص بقى ربنا كرمه، ومحدش هيديله فلوس على المصحف، والنادي بتاعه عاوز الفلوس، وبعدين المصحف في القلب مش في الأيد”.
