أحد متابعين سيمون تحكي لافتة إنسانية للفنانة مع جمهورها (صور)

سردت أحد المتابعين والمحبين للفنانة سيمون، لافتة إنسانية لها مع جمهورها في مساهمتها بالعمل الخيري بالمقابل المادي والمعنوي لهم، ومشاركتها في جميعات الخيرية وتواضعها معهم.

وكتبت أحد متابعين سيمون، عبر موقع التواصل الاجتماعي “فيس بوك”، قائلة: “سيمون بفتخر بها.. الفنان الحقيقي اللي بيجبر خاطر الناس اللي هو منهم وعملوه، مصر حلوة بناسها دول بس أنا فلانة..عندي 60 سنة.. الرسالة دي من أكاونت إفتراضي مش حسابي الأساسي وأعذرني عن ذكر اسمى الحقيقي”.

وتابعت: “أنا معرفش أصلاً إن كان يصح أقول اللي هقوله ولا لأ بس اللى أعرفه كويس إن محاسن الناس وصفاتهم الحلوة، المفروض تتقال من وقت للتاني عشان غيرهم يشوفهم صح ومن كذا زاوية غير المعروفة عنهم.. يمكن يزيد الإمتنان ناحيتهم أكتر.. يمكن يحبوهم أكتر.. يمكن غيرهم يتشجع يعمل زيهم فى الزمن ده نسبة الناس الخيرة قل زي كل حاجة حلوة”.

وأضافت: “ما هي قلت بالتالي المفروض أى حد يعرف أى معلومة طيبة عن حد بحس إن تعريف غيره بالمعلومة دي أمانة ولازم توصل.. بدون تفاصيل كتير أنا متطوعة فى جمعية خيرية محترمة وليها إسمها فى مصر خلال فترة شغلي فى الجمعية أو المؤسسة ودي سنين كتير على فكرة”.

أاردفت:” شوفت أعمال خير كتير  للفنانة “سيمون”. . فيه اللى شوفته بعيني والأكتر اللى سمعته بوداني..جايز بالنسبالكم كمشاهدين “سيمون” غابت شوية عن الظهور، بس بالنسبالنا إحنا كـ ناس بتشتغل فى العمل الخيري كانت الست دي دايماً حاضرة بجدعنة ولاد البلد، ومساعدة غيرها بالمجهود أو الدعم المعنوي والمادي بدون ما يتطلب منها”.

واختتمت: “وبدون ما تكون مهتمة تعلنه أو تقوله.. أنا ماكنتش من متابعينها كـ فنانة خالص بس محبتي ليها كشخصية وإنسانة حببتني فيها كلها.. حقيقي ربنا يجازيها خير على كمية الناس اللي ساهمت فى الوقوف جنبهم، وكله فى سرية تامة.. عارفة إنها ممكن تتضايق إني إتكلمت عن الجزئية دي فى شخصيتها بس عزائي إني ماقولتش تفاصيل”.

سيمون: فاتن حمامة اختارتني لفيلم يوم مر ويوم حلو وكانت أم عظيمة (فيديو)