فنانة شهيرة تهاجم غادة عبد الرازق:” مش إنتي اللي هتقومي الشعب ضد الجيش والشرطة”
هاجمت الفنانة “إيمي سالم” نظيرتها “غادة عبد الرازق، بعد هجوم الأخيرة الكبير على شركة “إعلام المصريين” وزعمها محاولتهم حرمانها في التمثيل خلال الموسم الرمضاني القادم، مدعية أنهم تابعين للمخابرات والقوات المسلحة المصرية، وطالبتها بالهدوء خاصة وأن نفس الشركة أنتجت لها أعمالا لم تلق قبولا من المواطنين بشكل كبير.
وقالت إيمي في تدوينة لها على موقع الصور الشهير :”إلى الممثلة والزميلة غادة عبد الرازق، او عيب قوي اللي انتي كاتباه دا لان الصراحه الشركة اللي انتي بتشتمي فيها وتتهميها دي محدش عارف فينا هما شغلوكي ازاي آخر 6 سنين، لان اخر اعمال نجحوا لحضرتك هما “حكاية حياة، وسبق الإصرار”.
وأضافت إيمي:” بعد كدا ولا مسلسل اتشاف ولا اتباع لوحده، اللي كان متوقع انك تشكريهم لانهم شايلينك في كل اللي بعد كدا، على الاقل تخرجي حسن سير وسلوك، وما ينفعش يوم مانهي علاقة مع حد انهيها بالشكل اللي حضرتك كاتباه دا، اتمنى ان حضرتك متكونيش كاتبه الكلام دا وانتي في كامل وعيك، واتمنى ان دا كمان يكون تحت تأثير المهدئات”.
وأكملت :” وياريت برضو تعرفي ان حضرتك مش مشروع قومي، وان الشعب مش ممكن يقوم بمظاهرات ضد الجيش والشرطة، عشان الملايين اللي حضرتك بتاخديها، ولا زمايلك وكلوكي تتكلمي باسمهم، نعقل والنبي احنا مش ناقصين”.
