ريهام سعيد عن “صبايا الخير”: “هنبعد عن الموضوعات المثيرة للجدل والجريئة”
شرحت الفنانة ريهام سعيد لمتابعيها سياسة الموسم الجديد من برنامجها “صبايا الخير”، بعد إعلان شبكة تلفزيون “النهار” عودتها مرة أخرى، وتعاقدها على الموسم الجديد.
وظهرت ريهام في بث مباشر لمتابعيها عبر صفحتها الرسمية على موقع التواصل الاجتماعي “فيس بوك”، وقالت: “برنامج صبايا من جديد، كان برنامج عظيم، والكرو كان شاطر، نفس الخدمات والوطنية والروح الإيجابية، وهنخلي بالنا من المواضيع اللي كانت جريئة شوية وتحتاج عقليات معينة تفهمها، هنبعد عن الموضوعات المثيرة للجدل، هنقدم كل ما هو مفيد وبيوعي”.
وأردفت: “برنامج تنويري زي ما كنا دايمًا، احنا بنعمل جلسات عمل على البرنامج، هنحاول نبقى مختلفين، وعند حسن ظنكو، وهنفضل البرنامج الصادق اللي مبيقولش غير كلمة الحق، وبنعمر البلد ونشارك الحكومة والدولة إننا نبقى في أحسن حال، وهيبقى شكل مختلف لأني اختلفت عن السنين اللي فاتت، هنحاول منضايقكوش خالص، متفائلة بالفترة اللي جاية ونحقق كتير من الإنجازات وحلقات قوية، يمكن مش هنام عشان نقدم أقوى حاجة”.
ريهام سعيد عن خلافها مع رئيس قناة النهار: “ناس لعبولي في دماغي.. واحنا إخوات دخل بيننا شيطان”
وعن خلافها مع قناة “النهار” السابق، أوضحت الموقف كاملًا: “كنت ساعتها طالعة من أزمة صعبة، ومش هتكلم عنها، ولما خلصت جالي علاء الكحكي البيت وطول ما أنا في فترة السجن كانوا بيذيعوا البرنامج موقفوش ولا حلقة، ولما طلعت كانوا عايزين يمضوا معايا 3 سنين، أنا كنت معمية وكل تركيزي في صدمة إن أنا عايزة أعوض اللي فات اطلع على الهوا من تاني واجمع فلوس لأني خسرت كتير في الفترة دي، وكانت النهار ساعتها في ضيقة، وروحت عملت محضر أقول إن ليافلوس، وناس لعبولي في دماغي قالولي إن النهار هتتباع ولو اتباعت مش هعرف اخد فلوسي”.
وأضاف: “فعملت المحضر عشان أثبت حقي قدام اللي هيشتري النهار، وطبعًا النهار اتضايقت جدًا ولكن قناة النهار فضلت تديني مرتبي كل أول شهر في السنة بتاعت فتاة المول، ولم يتخلوا عني دقيقة، وبعد الأزمة فقدت الثقة في كل الناس اللي حوليا كنت متخيلة إن كل الناس بتدبرلي مكايد، وبعدها هما نزلوا بيان مكنش فيه ولا كلمة صح، ولكن كنا غضبانين، عتبرها اخوات أو أصحاب ودخل بينهم الشيطان لأن فيه ناس كتير كان من مصلحة إني أسيب النهار ومضليقة من نجاحي، المشكلة دي متحلتش من انهارده، لا هي محلولة من ساعة ما كنت عيانة وهما بكرم أخلاقهم سألوا عليا، وبردو أول ما خلصت من الأزمة اتصلت بعلاء الكحكي أول واحد وقولتله متزعلش مني، لأنه من الناس اللي عملت النجاح على مدار 6 سنين اللي فاتت، كنت بطلب أي حاجة بتتوافرلي وآرائي انوا بيحترموها”.
ريهام سعيد عن عودتها لقناة النهار: “رجعت بيتي.. عمرنا ما حصل بينا أي مشكلة”
