ريهام سعيد عن توقف برنامج “صبايا الخير”: “خدنا عين واللي عملناه مكانش طبيعي” (فيديو)
قال الإعلامية ريهام سعيد، إنها تحترم جميع القنوات التي عملت بها، ولكن قناة “النهار” تحتوي على مكانة كبيرة في قلبها، نظرا للنجاحات والذكريات التي ارتبطت بها مع القناة، وكشفت العديد من التفاصيل حول برنامجها “صبايا الخير” والذي تعود به مرة آخرى مع شاشة “النهار”
وتابعت ريهام سعيد خلال مداخلة هاتفية ببرنامج ” “آخر النهار” المذاع عبر فضائية النهار،ويقدمه تامر أمين: “دايما الناس كانت رابطة بين اسمي وقناة النهار، وكأن في الارتباط عند الناس بيني وبين القناة، فبقى مترسخ في أذهان الناس، وإحنا اشتغلنا 6 سنين مع بعض، ومحصلش بينا أي اختلافات، وعملنا كتير من الإنجازات والنجاحات، والميديا عموما بتمر بأزمات، ودايما الإنسان في لحظات الغضب، مش بيفكر وينفعل”.
وأكدت “سعيد” أن الحسد لعب دورا كبيرا في ابتعادها عن الإعلام وقناة النهار، قائلة: “أنا مقتنعة إننا خدنا عين، لإننا اللي إحنا مكانش طبيعي سواء نسبة المشاهدة، وكان في حالات ميئوس منها ولكن فضل ربنا وتوفيقه كبير، ولكن طبيعي مفيش حاجة عالية على طول، والصح إن الواحد يرجع للصواب ويصلح اللي حصل ودي أحلى حاجة، ومكنش مهم إني أرجع النهار، قد ما علاقتي بشبكة النهار والقائمين عليها تبقى جيدة”
وأشارت إلى انها ستذهب إلى النقابة من أجل تقنين أوضاعها، مضيفة: “على المستوى الشخصي لازم أروح النقابة الأول، وأقنن وضعي وأخذ تصريح، وخلال الأسبوع الجاي هروح وأقدم الأوراق المطلوبة، وبمجرد ما ننتهي من محتوى البرنامج هنطلع إن شاء الله، وإحنا لسة بنحضر، وعايزين نحضر بشكل كويس جدا علشان نطلع بشكل مختلف ومتطور، يساعد أكثر على توعية الناس، ”
واستكملت: “هنطلع برضو باسم برنامج “صبايا الخير”، والناس عارفاني باسم البرنامج، ودي حاجة تفرح، لأن الناس لما تعرف اسم العمل اللي بتعمله أحسن ما تعرف اسمك ومتفتكرش حاجة إنت عملتها”.
شاهد ماذا قالت #ريهام_سعيد لتامر امين
Gepostet von Reham Saeed – ريهام سعيد am Donnerstag, 8. Oktober 2020
ريهام سعيد عن “صبايا الخير”: “هنبعد عن الموضوعات المثيرة للجدل والجريئة”
ريهام سعيد عن خلافها مع رئيس قناة النهار: “ناس لعبولي في دماغي.. واحنا إخوات دخل بيننا شيطان”
