حمادة هلال عن عمله قبل المجال الفني: “اشتغلت نقاش وسباك” (فيديو)

تحدث الفنان حمادة هلال، عن حياته قبل دخوله مجال التمثيل، حيث عمل في العديد من المجالات التي تبعد كل البُعد عنه، بل ومر بالكثير من الفترات الصعبة في حياته.

وقال هلال خلال لقائه في برنامج “واحد من الناس” الذي يقدمه الإعلامي عمرو الليثي: “أنا مريت بمراحل صعبة كتير، لأن والدي ربنا يخليه ليا ويطول في عمره كان طول الوقت يقول إن فترة الإجازة مينفعش نقضيها لعب، فيقولي اشتغل ولكن مكنتش بعمّر كتير في الشغل، فمثلًا اشتغلت نقاش وسباك وأكتر شغلانة عمرت فيها كانت في محل كباب وكفتة”.

وأضاف حمادة هلال: “أنا اشتغلت في السباكة كنت بكسر المطبخ والحمام بالأجنة والشاكوش لأن مكنش ينفع أكون صنايعي، ولكن أكتر شغلانة عمرت فيها كنت بنضف أسياخ الكفتة، وكان المكان ده وشه حلو عليا لأني وأنا شغال كنت بغني وواحد قالي فرح بنتى بكرة”.

وتابع: “وقالي تعالى، وفعلًا روحت وغيت ولكن اليوم دا كانت نكبة عليا، لأن بابا سمعني وأنا بغني الساعة 2 بليل، وضربني، وأنا جربت كل الشغلانات زي ما بيقولوا”.

وفى سياق آخر، طرح النجم حمادة هلال أغنيته الأخيرة بعنوان “طحن في طحن”، وذلك على قناته الرسمية على موقع الفيديوهات “اليوتيوب”، والأغنية من توزيع أوكا وألحان حسن سراج، وكلمات هشام عبد الحليم، ويقدمها بشكل جديد عن أعماله السابقة وتحمل العديد من المفاجآت.

عمرو الليثي يستضيف حمادة هلال في أولى حلقات “واحد من الناس” (فيديو)

حمادة هلال لـ”القاهرة 24″: “أنا مش بتاع مهرجانات”