رانيا يوسف: “اتعلمت في بيت فيه احترام.. والصراحة عملتلي مشاكل كتير”

تحدثت الفنانة رانيا يوسف عن حياتها الشخصية، والمشاكل التي مرت بها بسبب جرأتها وصراحتها، قائلة: “أنا جريئة لأن الدنيا علمتني عشان أخد حقي لازم أطالب بيه، وكنت قبل كدا بسكت وبشتري دماغي عند الحاجات الصغيرة، أنا تربية مدرسة راهبات بنات مصر، وصوت البنات مكنش ينفع يعلى حتى”.

وأردفت خلال حوارها مع المذيعة إيمان الحصري التي تقدم برنامج “مساء دي إم سي”: “هي مجتش الجرأة مرة واحدة، جات بالتدريج من الحياة، من ناس كنت واثقة فيهم وطلعوا مش محل ثقة، وبقيت متحفظة على نسبة الثقة اللي بديها للشخص، مجاتش من حاجة واحدة، هي تراكمات، وعلى رأي المثل الرصاصة اللي متقتلقش تقوِّي”.

وعن بناتها، قالت: “أنا اللي متكفلة بمصاريفهم، وبقينا يا هنقفل البيت وأقعد معاكو، يا هنزل واشتغل وأديهم الثقة وميكذبوش عليا، وبالنسبة ليا لو أي حد عايز يخسرني يكذب عليا كذبة صغيرة، وطول الوقت أنا مصاحبة بناتي، ومربياهم، الصراحة عملتلي مشاكل كتير، وبعد المشاكل دي مبطلتش صراحتي، ولكن بحاول أكون عقلانية أكتر ومبقاش عفوية”.

أما علاقتها بوالدها، فأضافت: “اتعلمت في بيت فيه احترام، بيت فيه صداقة بيني وبين أبويا، واتعلمت صداقتي لبناتي من صداقتي لأبويا، بابا راجل عقلاني ولطيف جدًا، وأقرب ليا من أمي، بعرف اتكلم معاه أكتر من ماما، ماما جادة أوي في الحياة، وكلمتها ديمًا لازم تمشي”.

رانيا يوسف: “كان نفسي أمثل مع أحمد رمزي عشان نتشاقى” (فيديو)

رانيا يوسف: “75 جنيهًا أول مرتب حصلت عليه من شغل الإعلانات”