بسمة وهبة: بعتبر نفسي من محاربات سرطان الثدي أنا كل حياتي ابتلاءات .. فيديو
تحدثت المذيعة بسمة وهبة عن تجربتها مع رحلة العلاج من سرطان الثدي، الذي على إثره خضعت لعدة عمليات في لندن، على هامش حضورها مؤتمر عن التوعية بالكشف المبكر لسرطان الثدي.
وقالت بسمة لبرنامج “mbc trending”: “أنا باسمّي نفسي من المحاربات مش من المتعافيات فقط، مرض السرطان هو هجوم شرس من عدو بيهجم بسلاح على البني آدم، لازم تحملي سلاح أقوى منه عشان تغلبيه فلازم تتسمي بالقوة طول الوقت، أنا ممكن أكون باين عليا في منتهى السعادة، بالعكس أنا كل حياتي ابتلاءات، ولكن اتعلمت من اللي في حياتي إني أكون قوية ومتفائلة”.
بسمة وهبة تتحدث عن تجربتها مع السرطان وتطورات وضعها الصحي#MBCTrending#MBC4 pic.twitter.com/CZ8EVl9jtO
— MBC Trending (@MBCTrending) October 29, 2020
وأردفت: “الكشف المبكر مش بس عشان نعرف عندنا سرطان ولا لأ، دا عشان تلحقي نفسك ومتدخليش في دائرة أسوأ في العلاج، فيه واحدة لو اكتشفت متأخر ممكن يتشال ثديها، ولكن لو بدري بيتشال الورم بس، وفيه ناس تاخد الكيماوي وميبقاش عندها قوي فميقعش شعرها، على عكسي أنا وقع شعري ورموشي وحواجبي لأني اكتشفته متأخرا”.
واختتمت حديثها قائلةً: “أنا كان عندي مشكلتين هما اللي ودوني لندن، منها إن بطني كانت معدتي بتوجعني جدًا وعملت فيها عمليات كتير، فكان عندي مشكلة فيها تاني، دا غير إن لما الدكتور بتاعي في لندن شافني لقى إن الرحم عندي عليه ورم هو مش سرطاني، ولكن فيه هرمونات نشطة، وحاليًا في مرحلة العلاج”.
تعرف على تفاصيل مرض بسمة وهبة ورسالتها للجمهور بعد إجرائها عملية جراحية بلندن
أول تعليق من الإعلامية بسمة وهبة بعد إجرائها عملية جراحية (فيديو)
