أول حوار مع الطفل المتهم بالتعدي على شرطي مرور: “بعتذر لوالدي اللي اتشحطط ورايا وكل الناس” (فيديو)
أجرى الزميل الصحفي محمد إبراهيم أول حوار مع الطفل المتهم بالاعتداء على شرطي مرور بمنطقة المعادي.
يروي أحمد الطفل المتهم في واقعة التعدي على شرطي بالمعادي، تفاصيل واقعة السوشيال ميديا ” اللي حصل أن صاحب بابا مكنش عايز يديني العربية هو صاحب بابا من زمان وأنا بروح عنده كتير في يوم الواقعة كنت عنده زيارة وأنا نازل المفتاح كان جنب الباب فأخدته وركبت العربية وأخذت بيها لفة هو ساكن جنب الميدان ب ٢٠٠ متر بينه عديت على أصحابي وخدنا لفة وأنا بلف أمين الشرطة خبط المراية بتاعت العربية فلفيت علشان أرجعله المراية اتكسرت ودي مش عربيتي ولم رجعت حصل اللي حصل في الفيديو والموضوع اشتهر على السوشيال ميديا علشان صاحبي بعته لأصحابه وانا طالع النهارده بعتذر لاي حد ولكل الناس انا بعتذر لامين الشرطه انا طبعاُ بعتذر ليكم كلكم وبعتذر لوالدي اللي اتشحطط ورايا في النيابات والاقسام.
وعلق الطفل عن كلام الناس وذكره بعدم التربية ” هو ده غلط من عندي والناس متعرفنيش فطبيعي يقولوا كده وانا معترف بغلطي وانا صالحته وبوست فوق دماغه وبنزل اقعد معاه كل ما اعدي عليه”يقصد أمين الشرطة”.
وأضاف الطفل إن السوشيال ميديا هي من تسببت في انتشار الواقعة “وانا عندي 13 سنه وفي الصف الثاني الاعدادي مش بتاع الكلام ده “.
وكشف الطفل عن مدي استفادته من الواقعة “طبعا واي حد عنده ولد شقي ممكن يتحط في موقف زي ده وبعدين ربنا بيسامح انتوا مش هتسامحوني ده ربنا غفور رحيم وانا عارف ان حق الناس تزعل وانا مش ممكن اعمل كده تاني”.
ننشر صورة السيارة المستخدمة في واقعة اعتداء طفل على شرطي مرور
“سرق مفاتيح السيارة”.. النيابة العامة تصدر بيانًا جديدًا بشأن واقعة الطفل المتهم بالتعدي على شرطي مرور
