أحمد أمين: “لما عمرو سلامة عرض عليّ ما وراء الطبيعة قولتله شوف ممثل أحسن مني”
كشف الفنان أحمد أمين، تفاصيل تحضيراته لشخصية “رفعت إسماعيل”، بمسلسل “ما وراء الطبيعة”، المأخوذ عن رواية بنفس الاسم للكاتب الراحل أحمد خالد توفيق، وتم عرضه على شبكة “Netflix” العالمية يوم 5 نوفمبر الماضي.
وقال أمين خلال لقاء خاص مع شبكة “Netflix”: “لما ابتديت اقرأ روايات ما وراء الطبيعة زمان طبعًا، كل واحد فينا كان راسم لرفعت إسماعيل صورة خاصة، كل واحد فينا كان راسم له صورة في خياله خاصة، كنت مكون له صورة من كل واحد في حياتي، جزء من مدرس عارفه أو حد من عيلته، كنت بتعامل معاه بديناميكية، كنت مديله خيالي، لدرجة إن أحيانًا أن الواحد كان مديله خياله يشوفه عايز إيه، وأنا كنت راسم الصورة بتاعتي”.
وتابع: “هي حاجة من ما وراء الطبيعة أني أقدم رفعت إسماعيل، وأنا كان من حظي إني قابلت الدكتور أحمد خالد توفيق في مجلة أطفال كنت شغال فيها، ومرة لقيته جاي يخبط على الباب ويقولي أنا جاي اسأل على شغل أحمد خالد توفيق، ولما قعدت معاه وانبهرت بقدرته على معرفته بفنون مختلفة وثقافته وإنه بيتفرج على أفلام كتير في العالم في وقت ما هي كانت نادرة”.
واستكمل: “تم ترشيحي لدور رفعت إسماعيل لما لقيت عمرو سلامة بيتصل بيا وكان قاعد معاه حفظي، وبيقولي إن إحنا بدأنا نعمل ما وراء الطبيعة، مع نتفليكس وكنت عارف ده بس مجاش في بالي إن هيكون أنا، حتى أول رد جه في بالي، طب ما تشوف ممثل أحسن مني، لأن أنا بحب الشخصية ونفسي أحسن حد يعملها، فقالي مؤمن إن أنت اللي تقدر تعملها، هنقرب من الشكل وطبيعتك والجانب الساخر”.
عمرو سلامة يكشف مخاوفه عند قراءته الأولى لـ”ما وراء الطبيعة” منذ 25 عاما (صورة)
