ابن عبد الباسط حمودة: “عمتي صعبت على الناس واللي يصعب عليك يفقرك”
شهدت الأيام الماضية توتر العلاقة بين الفنان عبد الباسط حمودة، وشقيقته الكبرى شادية، بعدما أعلن وفاة شقيقته الكبيرة، مما أثار استياءها وظهرت خلال لقاء إعلامي لقناة “المحور” مهاجمةً لكلامه، وكيف له أن يستقبل عزاء شقيقته وهي حية ترزق حتى الآن.
وأوضح ماجد عبد الباسط حمودة لـ”القاهرة 24″، حقيقة الأمر، وقال: “هو مبيكدبش، اللي ماتت دي والدتي أنا، أو نقدر نقول زي والدتي، مربياني من وأنا صغير، هي أكتر من أخته، هو مبيكدبش”.
ونفى ما قالته عمته شادية عن والده، وأردف: “مفيش الكلام ده، إحنا بينا خلافات ومبنكلمهمش، أبويا قاعد في القاهرة وهما في المنوفية إزاي هيقولها استغني عن عيالك، وكل دا نابع عن خلاف”.
وأشار إلى أنها أثارت استعطاف الناس، مضيفًا: “فكرة تصعب على الناس دي بتاعة الناس، واللي يصعب عليك يفقرك، أولادها كلموني امبارح وطلبوا مني إن الوالد إذا ظهر للإعلام واتكلم ميقولش سبب الخلاف”.
وقالت شادية خلال لقائها مع الإعلامية نهال طايل في برنامج “تفاصيل” الذي يعرض عبر قناة “المحور”: “ازاي أهل البلد يجوا يعزوني وأنا قاعدة موجودة في بيتي.. إزاي بيقسم بالله إن أخته ماتت وأنا عايشة، هي زي أخته.. وهي غالية علينا كلنا مش عنده هو بس.. كنت قول زي أختي أو أغلى من أختي لكن مش أختي.. بلاش الكذب ده”.
شقيقة عبد الباسط حمودة تهاجمه بعد شائعة وفاتها: “عاوز تموتني ليه؟” (فيديو)
عبد الباسط حمودة يعاتب شقيقته: “جرحتني وجابت لي السكر والضغط” (فيديو)
