نصر محروس: “أرفض لفظ ديكتاتوري.. وثقافتنا هنا نمحي أي شخص وقف جنبنا” (فيديو)

كشف المنتج نصر محروس، طبيعة علاقته بالفنانين تامر حسني وشيرين عبد الوهاب، بعد فسخ عقودهما معه، وانطلاقهما في عالم الفن.

وقال محروس خلال لقائه مع برنامج “It’s Show Time” على قناة “CBC” مع الإعلامية هبة الأباصيري: “عمر ما كان في خلافات بيني وبين شيرين أو تامر، وأتعاونت أنا وتامر ولكن شيرين اتعاونا إني كتبت ليها أغنيتين، أنا بتكلم مع أي حد والعلاقة كويسة”.

أما عن أنه شخص ديكتاتوري، فقال محروس: “ممكن أكون ديكتاتوري بس عندي مسئولية، مسئول عن قرارات، وأنا أرفض لفظ ديكتاتوري، وبعدين إزاي أكون كده يعني بجبرك على أغنية أصلا اتعرفت، زي ما محمد فؤاد مكنش عايز يقول كمانانا ومنير مكنش عايز يقول جزء من نعناع الجنينة، إحنا هنا معندناش ثقافة إن نسيب الشخص يعمل شغله، وأول واحد بيمحيه الشخص اللي وقف جمبه”.

وتابع: “أنا عمري ما خسرت حاجة هي شركتي بس اللي خسرت، وشوفي كل واحد لما كان معايا كان إيه ودلوقت بقى إيه”.

 

View this post on Instagram

 

@hebaalabassiry @hebaalabassiry #شوتايم_الثلاثاء #itsshowtime_tuesday

A post shared by CBC Egypt (@cbcegypt) on Nov 10, 2020 at 12:00pm PST

واستكمل: “هو بهاء سلطان ليه منجحتش..ليه لما عمل لوحده فشل، أنا مش بقول لـ بهاء ميغنيش..هو راح غنى في صاحبة السعادة بـ 400 ألف جنيه والشركة ماخدتش حقها، وغنى إعلان بنك مصر واختفى”.

يهدف إلى كسب ود الجمهور.. نصر محروس يُنذر بهاء سلطان ويُحذر “روتانا” من التعاقد معه (مستندات)