بوسي: “عندي استعداد أعيش في بلدي وأشحت” (فيديو)
تحدثت الفنانة بوسي عن أزمتها التي عاشتها بسبب مشكلة الشيكات التي طالبها بها طليقها، واضطرت بسببها إلى الهروب إلى لبنان لمدة 10 شهور، وقالت: “بعد ما حليت مشكلة الشيكات، مقدرتش آجي مصر بسبب كورونا والطيران كان مقفول”.
وأردفت بوسي، خلال حوارها مع الإعلامية منى الشاذلي عبر برنامج “معكم”، على شاشة قناة “cbc”: “كانت شنطتي مقفولة من أول يوم روحت فيه لبنان، مستنية الدقيقة اللي يكلموني فيها يقولولي انزلي مصر، وكنت في مكان لوحدي كانت حاجة وحشة”.
وأضاف: “عندي استعداد أعيش في بلدي بشحت ولا أعيش في بلد تانية، هنا غير أي بلد، أنا مبرتحش في أي بلد في العالم، مر عليّ 3 أيام من أسوأ أيام حياتي تعبت هناك وتعبي وحش وأختي كانت بتعيط بالدموع لأنها مكنتش معايا ومش عارفة تساعدني”.
وأعربت عن استيائها من الفرار إلى لبنان وترك بلدها وابنها، قائلةً: “عيد الأم ماكنتش جنب ابني، وعيد ميلادي ماكنتش جنبه، وعيد ميلاده ماكنتش بردو جنب ابني، ورمضان ماكنتش مع عيالي وكنت بفطر لوحدي، ومبسوطة بالـ10 شهور عشان ظهرتلي حاجات كتير في حياتي، وأولهم أهلي، ابني ياسين محدش كان بيسأل عليه نهائي ولا حد من أهلي، السنة اللي فاتت دي كانت برد أوي محدش سأل فيه ولا شافه محتاج حاجة، أنا في ستين داهية محدش سأل عليا بس ابني على الأقل، الأحكام اللي صدرت عليّ أثرت على شغلي مش عليّ نفسيًا، لكن شغلي اللي باكل منه عيش، بس كان نفسي أبقى في وسط بيتي وعيالي وبلدي لو جرالي حاجة ولاد بلدي هيلحقوني”.
بوسي: “كنت مستنية أهلي يسألوا عليّا أنا وابني بس محصلش” (فيديو)
هنادي مهنا تدعم بوسي بعد أزمتها الأخيرة: “ست بمليون راجل” (صورة)
