"قالت عليا حرامي فولعت فيها".. ننشر نص التحقيقات في واقعة حرق سيدة الإسكندرية

ينفرد "القاهرة 24" بنشر نص التحقيقات في واقعة إشعال متهم النيران في والدته أمام أحفادها بالإسكندرية، تلك القضية التي حملت رقم 22876 لسنة 2020 جنايات ثان المنتزه والمقيدة برقم 2040 لسنة 2020 كلي المنتزه، حيث شرعت جهات التحقيق في سؤال المتهم عن تفاصيل الواقعة.

ومثُل المتهم أمام جهات التحقيق حيث جاءت أقواله كالتالي في نص التحقيقات:

"اسمي إبراهيم حسن قبيصي"، "35 سنة"، ميكانيكي سيارات، مقيم بقسم ثان المنتزه الإسكندرية، وشهرتي إسلام.

عاجل.. إحالة المتهم بإشعال النار في سيدة الإسكندرية لمحكمة الجنايات

س: ما تفاصيل اعترافك؟ 

ج: اللي حصل إني يوم الأحد اللي فات كنت بصلح عربية رامي رستم صاحبي ومربيني، وبعد كل طلب مني أنقل معاه عفش في الشقة بتاعته في العصافرة بحري، وأنا مقدرش أرفضله طلب، فروحت معاه وقسمنا بعض وكان معانا واحد تالت اسمه إسلام، وسلمنا العفش لبعض من الشقة لحد عربية رامي، وأنا بنزل العفش لقيت ثلاجة في الدور الثاني نزلتها على العربية، رامي قالي الثلاجة دي مش بتاعتي، فقولتله كانت في الدور الثاني وكنت بفتكر إسلام نزلها للدور ده علشان أحملها على العربية، قالي لا طلعها تاني قولتله ماشي هريح وهطلعها.

ولقيت واحدة ست طالعة وقعدت ساعتها تقول حرامي وهيجت الناس عليا، وناس تبعها اتلموا عليا وضربوني وأنا عضيت واحدة منهم وقولتلهم مش هطلع الثلاجة ورامي هو اللي طلعها في الآخر.

تحريات المباحث: الانتقام وراء مقتل سيدة الإسكندرية حرقًا على يد بلطجي

لقيت مخبر جه مسكني وبيقولهم هو ده الحرامي! فقولتله أنت فاهمني غلط فمسكني وزقني في الميكروباص وطلع بيا على القسم عملولي محضر وحجزوا عربية رامي، وروحت النيابة واتحروا عني ومشوني، بس لما رجعت القسم طلع عليا أحكام وفضلت قاعد لحد يوم الخميس، ولما طلعت روحت البيت اتخانق مع أمي علشان بتقولي إني انا روحت شقة واحدة مطلقة واتهجمت عليها وسرقتها، فقولتلها أنا مش حرامي واتخانقنا مع بعض لحد ما دخلت نمت.

ونزلت من البيت يوم السبت علشان استلم عربية رامي بس هو قالي فيه شوية ورق بجهز فيهم مش هينفع أستلمها دلوقتي.  والناس في المنطقة عندي ابتدت تقول عليا إني حرامي واتهجمت على واحدة مطلقة وسرقت العفش بتاعها، وناس جت تقولي الكلام ده وقولتلهم أنا مش حرامي بتقولوا عليا كده ليه، لقتهم مش مصدقني وبيتعاملوا معايا على أساس إني حرامي وأنا مستحملتش وقولت لازم أخد حقي من الست دي وأولع فيها.

فروحت حلقت وبعد كده استطلعت مكان الشقة علشان أعرف الست دي ساكنة فين بالظبط وملقتهاش بره الشقة قولت أكيد هي جوه الشقة.

روحت البنزينة اللي جنبهم جبت زجاجة ومليتها بنزين بـ10 جنيه ومكنوش عايزين يدوني في البنزينة، وكان فيه توكتوك واقف قولتلهم ده بتاعي وعطلان عايز بنزين.

وأخدت زجاجة البنزين وخبتها وطلعت على الشقة اللي فيها الست وخبطت فتحلي طفلين فقولتلهم فين تيتا وشاورولي عليها جوه على اليمين، قولتلهم اطلعوا بره علشان متتأذوش، ودخلت عليها لقتها نايمة على السرير فقولتلها انتي مش فكراني، قالتلي انت مين، قولتلها انا اللي طلعتيه حرامي وسوأتي سمعته، فقامت نطت من مكانها وطلعت زجاجة البنزين ورشيته عليها ومسكتها من شعرها وحطيت الولاعة وقولتلها امشي قدامي لأولع فيكي وكنت واخدها علشان تنزل الشارع تقول إني مش حرامي. فلقيت الراجل اللي فوق نزل وزنقني قومت مولع في الست والنار جت عليا وطلعت أجري وروحت على منطقة المندرة وسلمت نفسي علشان أرتاح نفسيا وعيالي لما يكبروا يقولوا عليا قاتل وميقولوش عليا حرامي وهو ده كل اللي حصل.

لحظة خروج جثمان “سيدة الإسكندرية” المتوفاة حرقًا من مشرحة كوم الدكة (فيديو)

س: ومتي حدث ذلك؟

ج: الكلام ده حصل إمبارح بعدج المغرب حوالي الساعة السادسة مساء .

س: وما سبب ومناسبة تواجدك بالمكان سالف الذكر؟

ج: انا روحت هناك علشان أولع في الست أم رامي علشان أخد حقي وارتاح واثبت لكل الناس أني مش حرامي، حتي لو قالو عليا قاتل أكرم من يقولو عليا حرامي .

س: وما هي علاقتك بالمجني عليها ؟

ج: انا مكنتش أعرفها قبل نقل العفش ونزلت التلاجة بالغلط والست دي فكرت أني سارقها وقعدت تقولي أني حرامي وجبتلى الشرطة واتحبست يوم بسبب الموضوع ده ولما النيابة مشتني، طلع عليا حكم وفضلت محبوس لحد يوم الخميس، وكل ده بسبب الست دي .

س: وهل قمت بالفعل بسرقة المنقول سابق الذكر؟

ج: لا أنا مش حرامي وهي اتهمتني زور.

س: وهل تم ضبط في واقعة سرقة ؟

ج: ايوة واتعرض على النيابة وخدت إخلاء سبيل من ديوان القسم.

س: وما الذي قمت به حال إخلاء سبيلك؟

ج: روحت البيت لقيت أمي بتقولي أنت حرامي و إني انا روحت شقة واحدة مطلقة واتهجمت عليها وسرقتها، فقولتلها أنا مش حرامي واتخانقنا مع بعض لحد ما دخلت نمت، ومنزلتش من البيت غير يوم السبت لقيت الناس بتبصلي على إني حرامي.

س: وما الذي جعلك تقوم بحلاقة شعرك قبل ارتكاب الواقعة؟

ج: لان أنا كنت ناوي أروح أجيب بنزين وأولع فالست أم رامي اللي طلعت عليا السمعة دي فقولت أحلق علشان النار متمسكش في شعري كمان علشان ميعرفوش شكلي لما أروح البيت عند الست دي. 

س: ومتي تولدت لديك نية أشعال النيران للمجني عليها تحديدأ ؟

ج: من ساعة ما نزلت الشارع ولقيت الناس كلها مطلعة عليا اني حرامي بسببها

س: وما هي الافعالالمادية التي اتيتها  لتنفيذ مخططتك في اشعال النيران للمجني عليها ؟

ج: انا راحت حلقت علشان النار متمسكش فيا طلعت ناحية الشقة الي فيها الست عملت إستطلاع للمكان علشان أعرف هي بتقعد فين  وأتاكدت إنها جوة الشقة وإنها مش قاعدة برة ورحت عبيت زجاجة بنزين من البنزينة اللي في وش الشارع ودخلت الشقة وكبيت عليها بينزين ومسكت الولاعة علي شعرها وولعت فيها.

وصية “سيدة الإسكندرية” المتوفاة حرقًا على يد بلطجي: “اجمدوا وخليكوا لبعض وهاتولي حقي”