نظم عدد من المحامين بمرسى مطروح وقفة احتجاجية اعتراضًا على ما حدث معهم داخل قسم شرطة مرسى مطروح، بعدما حرروا محضرا بالنيابة العامة يتهمون فيه مأمور القسم بالتعدى عليه، حسبما تداول أحد المحامين عبر صفحته الشخصية بموقع التواصل الاجتماعي " فيس بوك".

وكتب منتصر الزيات المحامي: "إحنا امبارح الساعة 12 بالليل كنا 6 محامين في قسم شرطة مرسي مطروح بنعمل محاضر ونسدد كفالات فجأة النور قطع المأمور بيزعق بيقول كله يطلع برة يلا اطلعوا برة وجه عندنا بيقول يلا انته و هوه اطلعوا برة بصوت عالي، فاحنا بنقوله ما ينفعش تزعق كده وده مش أسلوب راح قايل للأمناء والمخبرين والأفراد طلعوهم برة فإحنا قُمنا من مكاننا عشان نتناقش معاه لقينا حوالي 15  أو20  أمين شرطة على مخبر على ضابط بيزقونا برة وبيطلعونا بالعافية".

وتابع الزيات: "اشتبكنا معاهم عند باب القسم وطبعا هما كانوا عدد وفي ضابط مباحث وقّع زميل من عندنا على سلالم القسم فقومنا الأستاذ اللي وقع وهما قفلوا الباب واحنا خدنا بعضنا وكلمنا كل المحامين واتجمعنا قدام باب القسم،  المحامي اللي وقع راح عمل أشعة وتقارير وطلعنا على النيابة وتم التحقيق فى الواقعة".

إحالة المتهم باغتصاب طفلة حلوان داخل "عشة الكلاب" للجنايات