الأربعاء ٢٠ يناير ٢٠٢١

رئيس التحرير
محمود المملوك

فن

أول ظهور لنجل مها أحمد ومجدي كامل بعد تعرضه لوعكة صحية (صورة)

مها أحمد ومجدي كامل وابنهم

نشر عادل، نجل الفنان مجدي كامل والفنانة مها أحمد، أول صورة له بعدما تعرض لعدة انتكاسات صحية في الأربعة الأشهر الماضية، مرورًا بوعكة صحية شديدة طرأت عليه منذ 3 أيام وعجز الأطباء عن تفسيرها.

وشارك عادل الصورة عبر حسابها الشخصي على موقع تبادل الصور والفيديوهات القصيرة “انستجرام”، وعلق على الصورة قائلًا: “أنا مبسوط”.

وسبق، وكتب عادل على حسابه الشخصي بـ”انستجرام”: “أنا بكتب الكلام ده وأنا إيدي بتترعش وفعلا تعبان ومش قادر ومش عارف أنا عندي إيه ومش عارف اتكلم مع حد علشان مش عايز أخلي حد يشيل همي، بس أنا هكتب الكلام اللي عايز اكتبه ده علشان أنا مش عارف اللي جاي إيه ولا هيحصل إيه، أنا حياتي بايظة بقالها أربعة أشهر من يوم 15/6 لحد انهارده 15/10، الأربع شهور دول أوحش أربع شهور عدوا عليا في حياتي من يوم ما جيت الدنيا علشان حصلي فيهم حاجات وجعتني وتعبتني وأثرت على نفسيتي، أولهم كان أول حب في حياتي عاش لمدة سنه ونص وكان نهايته يوم 15/6”.

 

View this post on Instagram

 

A post shared by adelmagdiikamel (@adelmagdiikamel)

وتابع: “بعدها كان وفاة حفناوي صاحبي وأخويا يمكن مكناش قريبين من بعض بس مجرد مابنتكلم مع بعض أو بنشوف بعض بيبقي أكننا نعرف بعض من الحضانه و كان في ذكريات حلوه أوي لينا مع بعض، بعدها البيت بتاعنا لما غرق كله ولحد دلوقتي منعرفش غرق أزاي ولا إيه اللي حصل بس الحمد الله علي كل شئ ولحد دلوقتي البيت لسه بايظ، وآخرهم بقي وده لسه من 3 أيام أني تعبت جدا فجأه وتعبت تعب مش عادي ومش عارف أنا عندي إيه ولا الدكاترة عارفين أنا عندي إيه”.

واستكمل: “أخدت جميع الأدوية وأخدت حقن وبنام كويس وباكل كويس وبعمل كل حاجة وبرضه مفيش أي تحسن، أنا بكتب الكلام ده دلوقتي وأنا مش حابب كده خالص ولا كنت عايز أعمل كده بس عملت كده و كتبت كده و هنزله علشان أنا بجد خايف من اللي جاي ومش عارف ايه اللي ممكن يحصل، فعلشان لو حصل حاجه أكون كتبت كل اللي جوايا وأكون أرتحت أني عملت كده وعلشان برضه تكونوا عارفين إن الضحك و الهزار والخروج والاستوريز مش دي الحياه الحقيقية”.

واختتم: “الحياة الحقيقية هي اللي أنا حكيتها دلوقتي، محدش يعرف أنت حياتك عامله إزاي ولا إيه اللي بيحصل فيها ولا جواك إيه كله شايفك في صور وفيديوهات مش حقيقية، المهم ربنا يستر في اللي جاي ويعدي على خير إن شاء الله علشان المرة دي أنا بجد حسيت بالموت، فلو عدت على خير حيات الواحد هيتغير تمامًا في كل حاجه حتى في الصور والفيديوهات، آسف أني طولت عليكم، يارب انت الشافي المعافي”.

نجل مها أحمد ومجدي كامل بعد غرق منزلهم: “الحسد كان شديد أوي” (صورة)

نجل مجدي كامل ومها أحمد: “حياتي بايظة والدكاترة مش عارفين عندي إيه”

وسوم عادل مجدي كامل مجدي كامل مها احمد نجل مها احمد

مواضيع متعلقة

عاجل طقس الأربعاء مائل للبرودة نهارا على القاهرة والوجه البحري