رضوى الشربيني عن شائعة زواجها: “مقبلش أكون ضرة ولما أرتبط هقول” (فيديو)

ردت الإعلامية رضوي الشربيني على حقيقة الأخبار المتداولة خلال الساعات الماضية، حول زواجها في السر من رجل متزوج مسئول باحدي القنوات الشهيرة.

وأكدت رضوي الشربيني خلال “لايف” عبر حسابها الشخصي بموقع التواصل الاجتماعي “فيس بوك”، وقالت: “الحقيقة أن أنا بقالي خمس سنين في برنامج “هي وبس”، وبيتقال عليه كلام كتير أوي وبيطلع عليه إشاعات مرة ناس جوزتني 13 مرة، وأرقام غريبة ومرة من فلان”.

وتابعت: “الحقيقة أن بقالي خمس سنين ونص بسمع كلام مش محترم وغلط ،وبيطلع عليه إشاعة كل اسبوع أو شهر، وكل الي اتقال عليه خلال خمس سنين كنت مش بعلق ولا بتكلم مهما حصل ومهما اتقال لكن خلاص”.

وأردفت: “كنت مش بتكلم لأن طول الوقت بقول أن ربنا موجود وهيبن الحقيقة واللي عايز يحبي أهلا وسهلا واللي مش عايز هو حر، ولكن أنا اتفأجات بإشاعة غريبة جدا وكلام مش عارفة اتقال لية، والإشاعة دي مش تخصني أنا لوحدي وعشان كده طلعت أتكلم”.

وأضافت: “عايز أقول لكل الناس اللي بتحبني أو مش بتحبني أنا مش مرتبطة ولما هرتبط كل الناس هتعرف عشان أنا مش الست اللي بتعمل حاجة في الخفاء ، والجواز مش حرام ومش عيب بس أنا لا أقبل اتجوز راجل متجوز ولا أحب اكون ضرة وفي ستات تقبل بس أنا مش عايزة”.

رضوي الشربيني تنهار على الهواء وتنهى حلقة برنامجها بسبب هيثم أحمد زكي