الخميس ٢١ يناير ٢٠٢١

رئيس التحرير
محمود المملوك

فن

إلهام شاهين: “طول عمري بعمل الأدوار اللي بتخاف منها النجمات”

إلهام شاهين: “طول عمري بعمل الأدوار اللي بتخاف منها النجمات”

أكدت الفنانة إلهام شاهين، أن اختيارها لفيلم “حظر تجول”، الذي سيشارك في فعاليات مهرجان القاهرة السينمائي، جاء بعد فيلمها رقم 100 في مسيرتها الفنية “يوم للستات”.

وتابعت في لقاء خاص عبر برنامج “كلمة أخيرة” الذي تقدمه الإعلامية لميس الحديدي على شاشة ” ON” قائلة: “من وأنا صغيرة كانوا يقولولي نفسك في إيه؟ كنت أقول نفسي أعمل 100 فيلم وكنت حاسة إنها حاجة بعيدة جدًا وقتها لكن بعد أن نجحت وقمت بعمل 100 فيلم وأنا صغيرة.. توقفت وقلت لنفسي هعمل إيه تاني؟ لأني عشت كل المواقف اللي ممكن تتعاش في بطولات فنية في 100 فيلم بالاضافة لانتاجي من المسرحيات والمسلسلات”.

وتابعت: “قلت لنفسي هعمل إيه تاني؟ خاصة وأنا مش بحب أكرر من نفسي كتير وأقلل من نفسي وعشان أنا مجنونة سينما وفن مكنش من السهل  ألاقي حاجة جديدة”.

وواصلت: “في حظر تجول وقبل قراءة السيناريو وخلال قراءتي في المشهد الأول وجدت أن القصة تدور حول سيدة قضت نحو 20 عاماً في السجن فقررت وقتها أن أقوم بالفيلم دون قراءة بقية الأحداث.. وقلت لنفسي وقتها لسه فيه حاجة الواحد ممكن يعملها رغم أنو عمل 100 فيلم “.

وحول طبيعة دورها وقبولها بدور سيدة كبيرة السن في الفيلم قالت: “عمري مافكرت أختار أدواري بالسن طول عمري بعمل أدوار كتيرة بتبقى أكبر من سني فيه فنانات بتحب تبقى أصغر من سنهم لكن أنا بحب أعمل أكبر في السن وهذا بالنسبة لي تحدي خاصة أني فنانة مش معتمدة على شكلها ولا عشان هي حلوة ولا عاملة شعرها في الكوافير أنا بس بحب التمثيل وأنا ممثلة”.

وأردفت: “ماعنديش ثقة في نفسي في أي عناصر أخرى غير أن أنا ممثلة فقط مش مهم أظهر بشكل إيه ولا سن إيه؟ وأنا بعتز بده جدًا.. طول عمري بعمل أدوار يخافوا منها النجمات فمش بخاف، أطلع قبيحة في دور ولا أكبر من سني وأنا طلعت في دور أم لناس قريبين مني في السن زي أشرف عبد الباقي وعمرو سعد وهشام سليم، لا أعتمد على شكل أو مظهر أو لبس ولا سن بعتمد فقط على الأداء ممثلة فقط”.

إلهام شاهين عن الإطلالات الجريئة: “مبحبش لفت النظر وبتكسف قوي” (فيديو)

وسوم إلهام شاهين لميس الحديدي

عاجل "الصحة": تسجيل 789 حالة إيجابية جديدة بفيروس كورونا.. و51 وفاة