رانيا محمود ياسين لـ”محمد حفظي”: “والدي إضافة لأي مهرجان.. وتكريم الناس كفاية”
علقت الفنانة رانيا محمود ياسين، على تصريحات المنتج محمد حفظى رئيس مهرجان القاهرة السينمائي لدورته الـ 42 حول سبب عدم تكريم والدها الراحل خلال فعاليات تلك الدورة التي تقام من فترة 2 حتي 10 ديسمبر.
وقالت رانيا خلال “لايف” عبر حسابها الشخصي بموقع التواصل الاجتماعي “فيس بوك”،”أستاذ محمود ياسين لو عايش هيهتم بحب الناس ومش هيهتم بأي تكريم تاني، وعايز أرد على المنتج محمد حفظى اللي تعليقه كان حقيقة بالنسبة ليا غريب وبرحته أنه مش عايز يعمل زى مهرجان الجونة”.
وتابعت:” لكن أن يتم تجاهله على شاشة المهرجان السينمائي كمان، اللي مفروض يبقي مهرجان يُمثل مصر يجب أن يكون نجوم السينما المصرية على شاشة المهرجان مش بس نجوم العالميين بس، لأن نجوم السينما مصرية هم الأساس وصنعوا السينما، وأنا مش اندهشت من تعليق أستاذ محمد حفظي لأن أساسا السينما المصرية كلها لم يتم ذكر اسمها”.
وأضافت:” محمود ياسين نجم وإضافة لأى مهرجان، وإحنا كعائلة مش زعلانين ومفيش حاجة تزعلني بعد أبويا و لو أبويا كان عايش هيقول كفاية حب الناس والمشاعر الصادقة..ومتشكرين لرد على محمد حفظى وأنه مش عايز يقلل من مهرجان الجونة والناس تكريمها كفاية”.
واختتمت:”أنا لم يشغل لي تصريحه وأنا في حالة حزن ومش فاضية، وطلعت أرد بسبب الناس وبشكر كل الناس اللى بتحب محمود ياسين وبيدعو لى بجد ابويا كان محظوظ بحب الناس وشكرا لكل الناس اللى بتدعمنا طول الوقت بكلامهم كلامكوا على ابويا زيكم زي اهلى تقديركم”.
شهيرة عن تصريحات محمد حفظي بشأن عدم تكريم زوجها: “جه يكحلها عماها” (صورة)
