رامي صبري: "العلاقة بيني وبين عمرو دياب محترمة.. ومفيش بينا أي عداوة" (صورة)
كشف الفنان رامي صبري السبب وراء قبوله تحدي الشاعر تامر حسين، وهو إعادة غناء أغنية "محسود"، للهضبة عمرو دياب، كما رد على كل ما تم تداوله حول وجود خلافات بينه وبين الهضبىة.
ونشر رامي صبري، صورة من رد عمرو دياب، على غنائه للأغنية عبر موقع "تويتر"، وكتب قائلا: "كلام من القلب، أولا أنا عملت تحدي لأغنية محسود علشان حاجتين، أولهم علشان الأغنية حلوة أوي، وأنا بحب النوع ده من الأغاني، ألحان صديقي الملحن خالد عز".
وتابع: "ثانيا علشان أقول لناس كتير من الجماهير، إن العلاقة بيني وبين الفنان الكبيرعمرو دياب، علاقة محترمة من عندي ومن عنده، حتى الكلام اللي وحش اللي دايما بشوفه على السوشيال ميديا، مكانش بيغير حبي واحترامي ليه، بالعكس أنا كنت بشتغل أكتر، إني أعمل أغاني مهمة ، وده حصل آخيرا من انهاردة".
وأردف: "عايز كل الجمهور الكبير، جمهورعمرو دياب، يفهم اإني بحترم هذا الرجل، وبحترم تاريخه جدا، ومفيش بنا أي عداوة أو كره، ذي ما بعض الناس بتقول، مبروك الألبوم يا هضبة، ودايما مشرفنا وفخورين بيك وشكرا لكلامك الحلو، ومبروك لكل صناع الأغنية الحلوة دي، الشاعرالكبير تركي آل الشيخ، الملحن الكبير خالد عز، الموزع الكبير عادل حقي"، وذلك عبر حسابه الشخصي بموقع التواصل الاجتماعي "فيس بوك".
وكان علق عمرو دياب على غناء رامي صبري أغنيته "محسود"، وذلك عبر حسابه الشخصي بموقع التغريدات القصيرة "توتير"، وقال: "الله الله الله إيه الحلاوة دي.. دي المنافسة بقت شديدة أوي، أحسنت يا رامي".
تامر حسين بعد نجاح تحدي أغنية "محسود" للهضبة: "دورنا نصدر رُقي في التعامل" (صورة)
عمرو دياب بعد غناء رامي صبري لأغنيته "محسود": "المنافسة بقت شديدة أوي" (تغريدة)
