عمر كمال: "العندليب ووردة كانوا بيتخانقوا على حاجات هايفة.. لكن إحنا على أصول واتفاق"
كشف مطرب المهرجانات عمر كمال، الخلافات التي جمعته بصديقه حمو بيكا، وذلك بسبب أرباح الأغاني المشتركة بينهم.
وقال عمر كمال، خلال مداخلة هاتفية ببرنامج "التاسعة" المذاع عبر "القناة الأولى المصرية" مع الإعلامي وائل الإبراشي: "فيه أربع أغاني أغنية "الدنيا بتجرح" وأغنية "إنتي معلمة" وأغنية تالتة وفيه أغنية الفرح اللي حمو بيكا بيتكلم فيها، أغنية إنتي معلمة أنا أخدتها على قناتي وسجلتلها قدامه أغنية عشان ياخدها على قناته".
وأردف: "أنا منظم في شغلي، وكان في 4 أغاني تم الاتفاق بيني وبين بيكا على غنائها بشكل الدويتو، وبعد وضع كل شخص أغنية من أغنيتين في القناة الخاصة به على موقع الفيديوهات يوتيوب، ولكنه فوجئ بطلب بيكا أغنية "الدنيا بتجرح"، لكي يبيعها لأحد الأشخاص، وبالفعل باعها دون إعطائه ثمن هذه الأغنية، رغم إنتاج كمال لها، وتوقف الإنتاج بينهما".
وتابع: "عبد الحليم حافظ ووردة، كانوا بيتخانقوا على حاجات هايفة، وكلام فارغ، واتخانقوا على أغنية مداح القمر، واحنا بنتخانق على شوية أصول واتفاق، وأنا عمري ما طلعت شتمت حد، وأهلفط وأقول عليه كلام، وفوجئت أنه خد الأغنية ولم يستشرني، وأنا كنت عامل أغنية أبويا لأستاذ هاني شاكر، وكنت عامله أغنية الغربة، وغنيت مع بيكا في شهر أكتوبر 2019، وكنت عامل الغربة، قبل ما أشوف بيكا، وكنت بسافر العالم العربي، وحمو خلاني اتعرفت في حتة المهرجانات، بس معملنيش وعلمني أغني، أنا إنسان نقابي، ويقولي أنا شهرتك وعملتك بلاش اللغة دي".
فيما قال المطرب الشعبي حمو بيكا: "أنا أستاذ في لعبة المهرجانات، وهي مش قصة فلوس، لكن حب الناس نعمة من عند ربنا وكنز، ولما جالي عمر كمال، مكنش حد يعرفه، وقناته على يوتيوب مكنتش متشافة، ومن قيمة 3 أو 4 سنين، مكنش فيه غير صوتي أنا في الشارع، واتصل بيا قالي أنا عمر كمال صاحب أغنية الغربة، وعاوز أوصل الطبقة اللي أنت فيها اللي هي صوت الشارع، والناس كلها تسمعه، فسجلت له أغاني شمس المجرة، ومساء النقص، وبعد ما اتعرف، جه في خياله أنه يعمل كل مرة أغنية تسمّع وده غلط، وأنا سبب من أسباب شهرة عمر كمال".
وأردف: "عمر كمال مش بيلتزم معايا بمواعيد الشغل وهو بيتهرب من فلوس اليوتيوب، أنا مسامح عمرعلى الفلوس اللي أخدها من ورايا"، مشيرًا "إحنا بنقدم رسالة طبعا وقدمت كتير كنت بوعّي الشباب مش يشربوا مخدرات والبنات مش تنزل الشارع باليل متأخر عملت أغاني كتير فيها رسائل".
بعد أزمتهما الأخيرة.. حمو بيكا وعمر كمال يجتمعان في مهرجان "هفضل أستاذ" (صورة)
