رانيا من حفل تأبين والدها: "حلمه بدأ من المسرح القومي ومش هينتهي بأعماله.. واللي تجاهل تكريمه خسران"

أعربت الفنانة رانيا محمود ياسين، عن شعورها بالفخر والسعادة لإقامة حفل تأبين والدها الراحل محمود ياسين، موجهة الشكر والتقدير لوزيرة الثقافة إيناس عبد الدايم على هذا الاحتفال القيم عن المشوار الفني للراحل.

وقالت رانيا محمود ياسين في تصريح خاص لـ"القاهرة 24"، خلال حضورها الحفل: "المسرح القومي ليه حالة خاصة معايا كل ما أدخله أشعر بالفخر، لكن الإحساس النهاردة مختلف جدا في أول تكريم لوالدي بعد الوفاة وأنا سعيدة إنه بيتكرم من بيته وأول مكان بدأ فيه، حلم محمود ياسين بدأ من المسرح القومي بس مش هينتهي أكيد بأعماله الخالدة".

وتابعت رانيا: "بشكر وزيرة الثقافة على التكريم هم بيكرموا ابنهم اللى قدم الكثير من الأعمال الكتيرة للمسرح، وبيتكرم في المكان اللي بدأ منه ومش عايزة أقول إن التكريم هو نهاية المشوار لأي فنان الفنان مش بيموت طول ما فنه موجود".

أما عن تجاهل المهرجانات الفنية لتكريم الراحل محمود ياسين، أوضحت: "إحنا مش انزعجنا من عدم تكريم محمود ياسين في أى مهرجان، الجمهور هو اللي انزعج، وأى حد شايف أن كان مفروض محمود ياسين يتكرم في احتفالية ما وتجاهل، فالفنان محمود ياسين اتكرم كتير وهو عايش فاللي تجاهل تكريمه هو الخسران وشكله هيبقى مش حلو".

وأشارت رانيا إلى أن والدتها أجرت مسحة كورونا عقب إصابة آيات أباظة زوجة نجلها عمرو بالفيروس وكانت نتيجتها سلبية.

رانيا محمود ياسين ترتدي "سبحة" عليها صورة والدها في حفل تأبينه بالمسرح القومي (صور)

رانيا محمود ياسين لـ”محمد حفظي”: “والدي إضافة لأي مهرجان.. وتكريم الناس كفاية”