محمد فؤاد عن هجوم حلمي بكر عليه: "في بني آدمين أصعب من كورونا.. وهأجل الرد لبعد 40 أخوه"
رد الفنان محمد فؤاد، على الموسيقار حلمي بكر، الذي شن هجومًا حادًا عليه، بسبب أغنيته الجديدة "الحلفة" التي طرحها قبل أيام، وتسببت في انتقادات لاذعة له.
وقال "فؤاد" في مداخلة هاتفية ببرنامج "حضرة المواطن" مع الإعلامي سيد علي: "في بني آدمين كتير بقوا أصعب من كورونا.. هرد رد يزعله، ومش هقدر أزعله بسبب الأخلاق والإنسانية اللي أتربيت عليها.. بقولك أؤمرنا كلامنا هيتأجل لبعدين بعد الأربعين بتاع أخوه".
وتابع: "بقوله شد حيلك عشان الأخ العزيز أخو حضرتك، كلامنا هيتأجل لبعدين، وهعدي الموضوع معاك سهل، أوعى تكون مفكر محمد فؤاد سهل، اللي كتبه إمبارح تجاوز لا يغتفر، عمري ما سمعتلك أغنية يا أستاذ حلمي، ولكنك بتشوف نجاحات محمد فؤاد من 35 سنة".
وسبق أن أبدى الموسيقار حلمي بكر في تصريحات صفحية رأيه في أغنية الفنان محمد فؤاد، قائلًا: "أنت حر.. بس أنت بِعت نفسك بالرخيص، وبعد كده هتعيط، أنت دلوقتي مش حاسس بحاجة لكن بكرة العياط هيملى المكان تحت رجليك".
"فين فؤش بتاع زمان".. جمهور محمد فؤاد يعلق على أغنية "في الحفلة"
محمد فؤاد يطرح "في الحفلة" بالتعاون مع مغني مهرجان "هنا القاهرة" (فيديو)
