فيفي عبده تكشف سبب تعرضها لوعكة صحية شديدة: "أخدت حقنة غلط لمست العصب"
كشفت الفنانة فيفي عبده أسباب تعرضها لوعكة صحية مؤخرًا التي جعلتها تمكث في منزلها لأيام حتى تستكمل العلاج.
ونشرت فيفي عبده مقطع فيديو عبر حسابها الشخصي بموقع تبادل الصور والفيديوهات القصيرة "انستجرام"، وقالت: "مساء الفل عليكم من مصر أم الدنيا.. أولا بشكركم على حبكم وسؤالكم عليه وربنا يخليكم ليا، أنا عايزة أقولكم أنا بخير والحمد لله رب العلمين هو بس واحد إداني حقنه غلط لمست العصب ده كل الموضوع مفيش غير كده".
وتابعت فيفي عبده: "الدكاترة بيرجعولى إحساس العصب تانى، لكن أنا كويسة جدا وفى نعمة، وعايزة أطمن كل جمهورى عليه، وكل المحطات اللى بتتصل بيا عشان أعمل مداخلات، أنا آسفة جدا لأن باخذ أدوية اعصاب فبنام وبقوم فى أى وقت وأنا بشكركم جدا".
View this post on Instagram
وسبق أن استاءت فيفي عبده من الشائعات التي تداولها رواد مواقع التواصل الاجتماعي وبعض الصُحف خلال الأيام القليلة الماضية، بعد إعلانها الدخول في وعكة صحية.
وظهرت خلال مقطع فيديو نشرته عبر حسابها الشخصي على موقع التغريدات القصيرة "تويتر"، وقالت: "في إيه أنا قولتلكو رجلي تعبانة شوية والحمد لله دلوقتي بتحسن بدعاكو، أرجوكو كفاية كدا، بجد كفاية الناس مخضوضة عليا من كل أنحاء العالم، حرام عليكو، حرام عليكو اللي بيطلع الكلام اللي ملوش لازمة".
فيفي عبده بعد وصول عدد متابعيها لـ7 ملايين على "انستجرام": "شجعوني أطلع لايف"
