عزيز الشافعي ردًا على رامي صبري: "شكرًا لاستجابته وأنا من طلب وقف التعامل أولًا"
رد الشاعر والملحن عزيز الشافعي على الفنان رامي صبري، بخصوص الأزمة الأخيرة، مشيرًا إلى أنه هو مَن طلب في البداية الانفصال عنه فنيًا وليس رامي.
وعلق "الشافعي"على تلك الأزمة من خلال حسابه الشخصي على موقع التواصل الاجتماعي "فيس بوك"، وكتب: "مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا في نجاح فنان و بيزود رصيده مع الناس، بيعز عليه بعد كدة يقلل منه حتى لو تجاوز".
وأضاف: "رغم إن كلامه كله مالوش أي أساس من الصحة، أحب دايما أشوفه ناجح و بيكمل اللي عملناه، وبشكره على استجابته لطلبي وقراري الشخصي الي بعتهوله الصبح من خلال صديقنا المشترك محمد حامد بأننا منشتغلش تاني ونكتفي بنجاحاتنا".
كما قدم اعتذاره للصحفيين: "بعتذر للسادة الصحفيين اللي بيتصلوا بيا مش عايز أدي الموضوع أكبر من حجمه وبكتفي بالبوست ده و بالكلام المحترم اللي كتبه زميلي وشريكي تامر حسين على صفحته عن أغنية شكرا، اما بخصوص، زي ما انتي فممكن ترجعوا للصديق المشترك محمد حامد وتسألوه".
