عفاف راضي لـ"القاهرة 24" بعد غناء ابنتها لـ"عطاشى": "هتعيد إحياء أغنياتي لأنها مش هتلاقي زي الجيل القديم"

أعادت مي كمال، ابنه الفنانة القديرة عفاف راضي غناء أغنية والدتها الشهيرة "عطاشى"، على طريقة الفيديو كليب، والذي صور بمدينة أسوان، وحازت الأغنية على إعجاب الكثيرين من الجمهور.

وتواصل "القاهرة 24"، مع الفنانة القديرة عفاف راضي، لمعرفة رأيها، وقالت: "أغنية (عطاشى) من الأغاني اللي أنا بحبها وبعتز بيها، وبنتي مي كانت بتحبها وهي صغيرة، ودايما كانت بتغنيها بينها وبين نفسها، لحد ما لقيتها بتغنيها وبتسجلها، وعجبتني، وبالفعل الأغنية طلعت بشكل جميل، وناس كتير حبيتها، ووقت تسجيل الأغنية قعدنا مع بعض وسمعنا وادربنا على الأغنية سوا".

وتابعت: "قولتها يلا كملي واعملي باقي الأغنيات اللي تقدري عليها، لإن محدش هيلاقي مرسي جميل عزيز تاني أو بليغ حمدي، وعظماء تاني كتير، فقولتلها ليه لا متعيديش غناء مجموعة كبيرة من الأغاني بتاعتي، وبدأنا بأغنية "عطاشى" ومنتظرين نشوف رد الفعل عليها، وبعدها نشوف ايه اللي ممكن يمشي مع صوتها، وايه اللي ممكن تغنيه ويكون مناسب ليها".

وأغنية "عطاشى" من ألحان الموسيقار القدير الراحل بليغ حمدي، وكلمات عبد الرحيم منصور، وقدمتها عفاف راضي منذ قرابة خمسين سنة، وحفرت بها اسمها كإحدى أشهر أغانيها.

ابنة عفاف راضي تعيد إحياء أغنية والدتها "عطاشى" (فيديو)

عفاف راضي: “الوسط الفني حاليًّا الحلو فيه قليل والأيّ كلام كتير.. ولا يُعرض عليّ أعمال” (حوار)