عمرو يوسف لـ"دينا الشربيني: بينضحك عليكي دايما وبتكملي عادي.. والأخيرة: مبفكرش
كشف الفنان عمرو يوسف، عن رأيه في الفنانة دينا الشربيني، مؤكدًا أنها من الشخصيات التي تثق بسرعة في الناس، وترى الجمال والطيبة في الجميع.
قال عمرو يوسف، خلال لقائهم فى برنامج "بصراحة مع"، المذاع على فضائية "إم بي سي"، "دينا بتثق في الناس بسرعة، وبتشوف كل الناس طيبين وجُمال".
قاطعت الفنانة دينا الشربيني، الفنان عمرو يوسف، معلقةً عن حديثه، "مبفكرش وحاولت أغير النقطة دي، ممكن يكون عمرو بيفكر أكثر مني، طريقة تعاملي مع الناس في الحياة عشوائية شوية، ومعنديش تخطيط".
قال الفنان خلال اللقاء، "لما بقفل من حد بيبقى مستاهل أقطع علاقتي معاه، إنما انتي بيضحك عليكي أكتر من 10 مرات وبتكملي عادي، دينا عندها دايمًا إن لسه عندها أحسن علشان كده مبتستمتعش بحياتها".
في سياق متصل، كشفت الفنانة دينا الشربيني، رأيها في الزواج بشكل عام، وقالت:"للأسف إحنا بناخد فكرة الجواز أنها نهاية العلاقة مش بداية العلاقة، ده مش حقيقي، المفروض أن بيكون فيه فترة تعارف ووقتها الاتنين مش بيكونوا على طبيعتهم، كل واحد بيحاول يجذب اللي قدامه ويطلع مثالي عشان الاتنين يتبسطوا مع بعض، تقول مثلا عايزة سلطة ولا عصير وفجأة يلاقيها بتضرب أي حاجة في التلاجة".
تابعت: "الفكرة أن المشاكل الحقيقية بتبدأ لما أي حد يعيش مع التاني، بتشوفه على حقيقته، لو ما بينا صراحة من الأول مظنش أن ده هيحصل".
دينا الشربيني: "مشاكل الزواج بتحصل لما بنشوف بعض على حقيقتنا"
