"زاهر" يعتذر لهيدي كرم بعد صفعها في "لؤلؤ": "وشها ورم ومحمد سامي قالي بلاش ضرب حقيقي"
أعرب الفنان أحمد زاهر عن سعادته بردود الأفعال على دوره في مسلسل " لؤلؤ" الذي يجسد فيه شخصية طارق نصار، ويتم عرضه حاليًا على شاشة "ON E".
وقال زاهر في لقائه مع الإعلامية لميس الحديدي ببرنامج "كلمة أخيرة": "سعيد جدًا بردود الأفعال وفيه حاجه غريبة كل ما أمشي القي الستات بتبصلي وتبتسملي أي ست تبصلي وتبتسم.. والدور جاي مع السيدات جدا ورغم أن طارق شخصية بها عيوب لكن مافيش إنسان طيب طول الوقت ولا شرير طول الوقت ممكن أكون كويس مع حد ووحش مع حد تاني ؟، وشخصية طارق مش شريرة ولا خبيثة بس هو رجل عملي "بيزنس مان" تربي في عائلة ارستقراطية".
واستكمل: "في النهاية برضه من عيوب الشخصية أن طارق أناني وبيحب نفسه ويهمه اسمه قبل كل شيء وسمعته وشكله لكن عندما حب لؤلؤ تخلى عن كل شيء إيمانًا بالحب".
وحول عنفه مع السيدات ومدى كونها حقيقية، قال: "السيناريو عايز كده بس الضرب في المسلسل مرتين كان بجد وبقية المرات كان تكنيك مش حقيقي، الصفعة الحقيقية كانت لنجلاء بدر في الحلقة الأولى ثم هيدي كارم كانت حقيقية".
كما وجه اعتذارًا للفنانة هيدي كرم عن الصفعة، قائلًا: "عاوز أعتذرلها جدًا هي طلبت تكون الصفعة حقيقية ولما ضربتها "الاه" اللي طلعت منها في المشهد قطعتني من جوه ووشها ورم بعد الصفعة بعد كده الأستاذ محمد سامي قال بلاش ضرب بشكل حقيقي".
وأردف: "لو أنا مكانها هاخد القلم بشكل حقيقي لأن الضرب الحقيقي بيطلع إحساس كبير عشان الوجع بيخلي "ريأكشن" الممثل صادق وحقيقي وأنا بضرب في المشهد ببقى مضايق جدًا".
واختتم أن المخرج محمد سامي شخص مهم في حياته، قائلًا: "شخص مهم في حياتي جدًا، وأكتر شخص وقف جمبي ومقتنع بإمكانياتي وبيحب يشتغل بيا ودايماً يقول أي "كاركتر" أحط فيه زاهر بيلمع".
فيلم "فارس" لأحمد زاهر ينتمي لنوعية الأكشن والساسبنس
أحمد صفوت مرشح للمشاركة فى فيلم "فارس" مع أحمد زاهر
