أحمد زاهر عن فترة مرضه:" محمد سامي خلاني عضيت الأرض لحد ما خسيت"
قال الفنان أحمد زاهر، إن أهم الأدوار التي تمثل علامة فارقة في مسيرته الفنية تبدأ من شخصية "يوسف المهدي" في حكاية حياة يعقبه، وبالمركز الثاني شخصية فتحي في مسلسل "البرنس".
أحمد صفوت مرشح للمشاركة فى فيلم "فارس" مع أحمد زاهر
وتابع زاهر خلال لقائه عبر برنامج " كلمة أخيرة" الذي تقدمه الاعلامية لميس الحديدي على شاشة " ON"، قائلاً:"يوسف المهدي كان أكبر تحول بالنسبة لي في حياته الفنية، كنت تخين أوي ووزني تجاوز 185 ميلوا، وربنا بعتلي المخرج محمد سامي كنت فظيع لأني كنت مصاب بخلل في إفرازات الغدة الدرقية، وكانت مرحلة كئيبة، وكنت أتلقى العلاج وكنت بحاول أخس بس مانفعش لأن التخن الي كنت فيه كان بسبب ورم جسمي منفوخ بالمياه".
وتابع:" فضلت تخين لحد مانزلت من 185 كيلوا لحد 120 كيلو في مسلسل أدم الي كأن أول لقاء لي مع المخرج محمد سامي ومكناش نعرف بعض قبلها وفجأة جسمي حصله ثبات في الوزن ومش راضي ينزل ".
كاشفاً عن دور المخرج محمد سامي في رحلة فقدانه للوزن، قائلا: " محمد سامي شافني قلي لازم تخس وشجعني أعض الارض، عشان وزني ينزل بعد ماحصله ثبات عند 120 كيلوا جرام، وقلي قدامك سنة و بالضبط وإنت حر في النهاية عايز تخس خس مش عايز براحتك بس فيه دور مهم إسمه "يوسف المهدي" في مسلسل أدم وده دور جامد ومهم، بس مستحيل هتمثله وإنت تخين كده".
وأشار أن المخرج سامي بكلماته أوجعه جداً وتسبب في "زعل" بينه وبين المخرج قائلاً: " زعلت أوي لما قلي مين بطلة هترضى تمثل قدامك وإنت بالوزن ده ؟ بس دلوقتي بشكره جداً عشان وجعني لأن كلامه خلاني أعمل المستحيل، عشان ارجعله رشيق ولما دخلتله في البروفات " بكى " لأني فقدت وزني من 120 كيلوا لحد 85 كليوا حالياً فضلت عامل دايت وأمارس الرياضة واقاوم لحظات الضعف أمام الاكل ".
أحمد زاهر عن اختفائه في بعض المواسم الرمضانية: "مش بلاقي دور يستفزني"
