لبلبة عن عزت العلايلي: "في السفر كان يقولهم خلوا الكرسي بتاع لبلبة جنبي علشان بتضحكني" (خاص)

عبرت الفنانة لبلبة عن حزنها الشديد على رحيل الفنان عزت العلايلي، والذي وافته المنية في الساعات الأولى من صباح اليوم الجمعة، داخل منزله، وحرصت على الدعاء له بالرحمة والمغفرة.

وتحدثت لبلبة عن علاقتها بالراحل عزت العلايلي في تصريح خاص لـ"القاهرة 24"، وقالت: "آخر مرة شوفته، كانت في العزا بتاع وحيد حامد، وكان قاعد جنب الرصيف على كرسي وكان في هوا شديد، وقولتله اقفل صدرك يا استاذ عزت، علشان متتعبش".

وتابعت: "كان يحبني أوي، ولما كنا نسافر مهرجان، كان يقولهم خلوا كرسي لبلبة جنبي علشان بتضحكني، وكان ممثل عظيم في أخلاقه وفنه، في حياته معملش فيلم نص نص أو حاجة يخجل منها، حقيقي مفيش زيه، للأسف عمالين نخسر حبايبنا ورا بعض، مش معقولة كل اللي بحبهم بيروحوا".

"كان نفسي أطلعله على المسرح جري".. عزت العلايلي يتحدث عن صديق عمره محمود ياسين (فيديو)

خلال تكريمه لم ينسَ رفقاء عمره.. عزت العلايلي الصديق المخلص