تامر حسني: "في طفولتي مريت بالواسطة والمحسوبية وقهرتهم" (صورة)
كشف الفنان تامر حسني معاناته في بداياته للمحسوبية والواسطة، خلال بداياته الفنية، ووجه رسالة لجمهوره، حتى يتخطوا مثل تلك المواقف، ونصحهم بالاجتهاد والثقة بالله.
وكتب عبر حسابه الرسمي بموقع التواصل الاجتماعي "فيس بوك"، وقال: "نيجي لموضوع الواسطة والمحسوبية، وكل ما ذكرته في أول الكلام، هو فعلا موجود بشدة وبقسوة، وأنا شخصيا مريت بيه وقهرته، وأنا طفل وشاب فقير اتعرضت لكل ما ذُكر، يا جماعة بما إنك عايش في مجتمع فيه كدا، يبقى مش قدامك غير التميزالواضح، عشان كفاءتك تحرج أي مسؤل أو مدير، يعني لو أنت دلوقتي شخص ذو كفاءة عالية، لازم تشتغل على نفسك تاني وتبقى ذو كفاءة عالية جدا جدا ومتميز كمان".
وتابع: :"الأهم يكون عندك ثقة كبيرة في ربنا ملهاش حدود، عشان هو شايفك وأكيد هيكافئك على مجهودك، بس أنت اتعب وإعرف إنك تتعامل مع ظروف مجتمعك الحالي، هو عصر صعب، بس ينفع تنتصر عليه، إما فكرة الفقر والظروف الصعبة، عايزك تفهم إنك مش لوحدك خالص معظم الناس كدا، وفيهم مستسلمش لظروفه ومرضه وقرر يقهر الظروف دي، افتكر دي دايما إن في واحد اسمه "لولا دا سيلفا"، كان فقير وخرج من المدرسة وصباعه اتقطع واشتغل ماسح أحذية وتعب و كافح واجتهد وصبر وفكر يتميز لحد ما وصل بقى رئيس جمهورية البرازيل".
تامر حسني بعد مشاركة الجمهور مشاكلهم: "ماسورة طاقة سلبية رهيبة" (صورة)
تامر حسني: "بنواجه كمية حقد وغل وكراهية وطاقة سلبية في طريق النجاح"
