في ذكرى وفاته.. ابنة عبد المنعم مدبولي توجه رساله لوالدها من خلال “القاهرة 24”
تحل اليوم الذكرى الرابعة عشر لوفاة الفنان القدير عبد المنعم مدبولي، والذي رحل عن عالمنا عام 2006، تاركا خلفه العديد من الأعمال الفنية، التي خلدت اسمه وطبعت بصمة مميزة بتاريخ الفن المصري والعربي.
وتواصل “القاهرة 24” مع ابنته أمل مدبولي،وسردت لنا كواليس قضائهم لذلك اليوم، قائلة: “طبيعي إن إحنا نروحله في يوم زي ده ونقرأ قرآن، ومن قبلها بيوم بتفق أنا وأخواتي علشان نزوره، وبنروح نقعد شوية، وللأسف الشديد بنفتكر اللحظات الآخيرة من حياته”.
وأوضحت بأن زيارة قبره تقتصر عليها وعلى أخواتها فقط، وقالت:”الزيارة تقتصر على العائلة فقط، لأنه كان خجول وعلاقاته بالفنانين كانت محدودة، وبالتالي لما توفى علاقتنا بدأت بيهم تقل وتختفي، ومحدش بيزوره علشان محدش يعرف مكان المقابر، وإحنا كمان مش حاطين أي لوحة على المقابر باسمه، فصعب حد يوصلها”.
“في ذكري وفاته”.. عبد المنعم مدبولي مسيرة كبيرة من العطاء الفني
ووجهت له رسالة في ذكرى وفاته، معبرة عن اشتياقها له: “أقوله وحشتني جدا جدا، وكان نفسي ربنا يطول في عمرك أكتر، عشان أنا من يوم ما اتوفيت، وفي حاجة كبيرة أوي ضاعت مني، وبدعيله بالرحمة، لأني زي أي بنت نفسها أبوها وأمها يكونوا جنبها لآخر لحظة، أو يرجعوا تاني تاخد منهم حضن أو بوسة، وتعوض شوية أي وقت مكنتش جنبه فيه”.
وكانت نشرت أمل صورة لقبر والدها المزين بالورود، وصورة أخرى شخصية، عبر حسابها الشخصي بموقع “فيس بوك”، وعلقت عليهما قائلة: “تمر السنين وتظل روحك الجميلة بجواري، مازلت أسمع صوتك واشم رائحتك، ومازالت العين تبكي على فراق الجسد”.
“ريحة الحبايب” لزينب عبداللاه تقدم 30 حكاية عن نجوم الزمن الجميل
