نجل مها أحمد ومجدي كامل بعد غرق منزلهم: الحسد كان شديد أوى .. صورة
تعرض منزل الفنانة مها أحمد وزوجها الفنان مجدي كامل، للغرق أمس الأحد، حيث كتبت على حسابها الشخصي بـ”انستجرام”: “بيتي غرق ماية ومش عارفين إيه السبب سترك يا رب”.
كما أرجح ابنها عادل مجدي كمال، سبب الغرق إلى الحسد، حيث كتب على خاصية الاستوري المتواجدة بحسابه على “انستجرام”: “المرة دي العين كانت جامدة أووي والحسد كان شديد أوي، بس عايز أعرف ليه الحسد ده و ليه العين الجامدة دي؟ علشان ایه يعني؟ علشان الـ80 عربيه اللي بنزلها كل يوم؟ ولا علشان الفلل والقصور اللي بتصور وأنا قاعد فيها كل يوم؟ ولا علشان الأكل الليبجيبوا كل يوم من بلد مختلفه بطياره خاصة”.
وتابع: “أنا مش مصدق والله أنا مش بعمل حاجة، غير أني بصور وأنا قاعد مع صحابي ف ليه كده؟ يعني الواحد إنسان طبيعي جدا، ده حته أبويا وأمي عمرهم منزلوا حاجه من الحاجات دي ولا حاجة بتعتهم علشان يحصل معاهم کده، الحمد الله على كل شئ والحمد الله أن الحاجات دي مش بتيجي فينا وبتيجي في الجماد، نخف بقي شويه ونضف قلبنا ونصفي نيتنا علشان ربنا يكرمنا كلنا ويدينا على قد نيتنا.
عادل مجدي كامل على انستجرام