محمود الليثي بعد إعلان إصابته وعائلته بكورونا: “نفَس الإنسان غالي”
فن
كشف الفنان محمود الليثي، تفاصيل حالته الصحية، بعد إصابته وزوجته ووالدته بفيروس كورونا، منذ عشرة أيام من الآن، حسبما أعلن على حسابه الشخصي بـ”فيس بوك”.
وقال الليثي خلال مداخلة هاتفية لبرنامج “Dmc” مع الإعلامي رامي رضوان: “أنا كويس الحمد لله، الأعراض مجتليش بقوة زيهم، ياريتها كانت جت فيا، المدام ومامتي عندهم مشكلة في التنفس، والموضوع جاي معاهم صعب شوية، أنا تمام شوية مفياش حاجة كأنه دور برد، وإحنا ملتزمين البيت، وإن شاء الله هتعدي”.
وتابع: “والله نفَس الإنسان ده غالي، أغلى من أي حاجة، أهم من الأكل والشرب وكل حاجة، عايز أشكر الدكتور أشرف زكي متأخرش وفنانين كتير كلموني وموبايلي مبطلش من ساعة ما اتكلمت، إحنا ملتزمين جدًا وبنمشي بكمامات وكحول وكل حاجة بس ربنا أراد ده”.
“الحالة غير مستقرة”.. إصابة محمود الليثي وزوجته ووالدته بفيروس كورونا (صورة)
